საინფორმაციო და საკომუნიკაციო ტექნოლოგიური (ICT) ინოვაციები

ინიციატივის EU4Digital საშუალებით ევროკავშირი ხელს უწყობს რეფორმებს და საქმიანობას საინფორმაციო და საკომუნიკაციო ტექნოლოგიების (ICT) კვლევის, „სტარტაპების“ და ინოვაციური ეკოსისტემების განვითარების მხარდასაჭერად აღმოსავლეთ პარტნიორობის რეგიონში, ევროკავშირის გამოცდილების და სათანადო პრაქტიკის საფუძველზე.

საინფორმაციო და საკომუნიკაციო ტექნოლოგიური ინოვაციები და სტარტაპის ეკოსისტემები

ინიციატივის EU4Digital საშუალებით ევროკავშირი მიზნად ისახავს აღმოსავლეთ პარტნიორობის ინოვაციის და სტარტაპის ეკოსისტემების დაკავშირებას ევროკავშირის ქსელებთან და ამ ორ ეკოსისტემას შორის არსებული განსხვავებების დაძლევას ინოვაციების და სტარტაპების მხარდასაჭერად, ევროკავშირის საუკეთესო პრაქტიკის, პრინციპების და სტანდარტების საფუძველზე.

ამ მიზნების განსახორციელებლად პროგრამის EU4Digital II მეორე ფაზა:

• ხელს შეუწყობს ქსელურ აქტივობას და შესაბამისი პრაქტიკის/ ინსტრუმენტების გაცვლას ინოვაციის ეკოსისტემებში მონაწილე მხარეებს შორის ევროკავშირსა და აღმოსავლეთ პარტნიორობის რეგიონში.
• მხარს დაუჭერს აღმოსავლეთ პარტნიორობის ციფრული სტრატაპის ეკოსისტემის განვითარებას;
• შეიმუშავებს ზოგად ჩარჩოს და რეკომენდაციებს ინოვაციის კლასტერების განვითარების მიზნით აღმოსავლეთ პარტნიორობის ქვეყნებში.

აღნიშნული ემყარება საინფორმაციო და საკომუნიკაციო ტექნოლოგიური ინოვაციების აქტივობების I ფაზის წარმატებებს, რაც მოიცავს ქვეყნისთვის სპეციფიკურ პოლიტიკის რეკომენდაციებს და სამოქმედო გეგმებს რეგიონის საინფორმაციო და საკომუნიკაციო ტექნოლოგიური კვლევების, სტარტაპების და ინოვაციური ეკოსისტემების გასაძლიერებლად, და ქსელური აქტივობის ძირითადი ღონისძიებების ორგანიზებას აღმოსავლეთ პარტნიორობის მონაწილე მხარეებსა და ევროკავშირის ორგანიზაციებს შორის. ჩატარდა ბაზრის შეფასება ციფრული ინოვაციის და სქეილაპ ინიციატივისთვის (DISC). დამატებითი ელემენტები საინფორმაციო და საკომუნიკაციო ტექნოლოგიური ეკოსისტემების ზრდის წასახალისებლად იყო გზამკვლევები საინფორმაციო და საკომუნიკაციო ტექნოლოგიების სამეწარმეო ეკოსისტემებისთვის და მენტორობის პროგრამის „ქალები ტექნოლოგიებში“ შესაქმნელად.

პროგრამა ხელს უწყობს EU4Digital საინფორმაციო და საკომუნიკაციო ტექნოლოგიური ინოვაციების ქსელის (ICT) მუშაობას, რომელიც შემდეგი სფეროების განვითარებაზეა ორიენტირებული:

• ქსელური აქტივობა
• ინოვაციების ჩარჩო
• ინოვაციების ინფრასტრუქტურა
• საპილოტე პროექტები სტარტაპებისთვის
• ინოვაციური სერვისები მცირე და საშუალო საწარმოებისთვის

ინიციატივის EU4Digital საშუალებით ევროკავშირის მიერ ICT ინოვაციების ეკოსისტემის მხარდაჭერა წაახალისებს მაღალი ხარისხის სამეცნიერო კვლევებს და სახელმწიფოთაშორის ინვესტიციებს, გაუხსნის აღმოსავლეთ პარტნიორობის რეგიონის სტარტაპებს ევროკავშირის ბაზარს, წაახალისებს ინვესტიციებს, შექმნის სამუშაო ადგილებს ნიჭიერი ახალგაზრდებისთვის, და საერთო ჯამში, გამოიწვევს ცოდნის გაღრმავებას, პროდუქტიულობის და მნიშვნელობის გაუმჯობესებას.

გარდა ამისა, ევროკავშირის მიერ დაფინანსებული მიმდინარე პროგრამა EaP Connect მხარს უჭერს საინფორმაციო და საკომუნიკაციო ტექნოლოგიურ ინოვაციებს სამეცნიერო და საგანმანათლებლო წრეების ურთიერთდაკავშირებით მთელ რეგიონში და ევროპელ პარტნიორებთან მაღალეფექტური ფართოზოლოვანი ინტერნეტის ქსელით; ამის შედეგად 700-ზე მეტ დაწესებულებაში ორ მილიონამდე ადგილობრივი მეცნიერის, სტუდენტის და აკადემიური პერსონალის წარმომადგენლისთვის უზრუნველყოფილია ციფრული სერვისების და გლობალური სამეცნიერო კვლევების ხელმისაწვდომობა.