უკრაინა

მას შემდეგ, რაც უკრაინის წინააღმდეგ რუსეთის სამხედრო აგრესია დაიწყო და ქვეყანაში ომია, ევროკავშირმა გააძლიერა მხარდაჭერა უკრაინის მიმართ და აგრძელებს ციფრული ტრანსფორმაციის მხარდაჭერას. მიმდინარე კონტექსტში უმნიშვნელოვანესია ციფრული კავშირის და ელექტრონული სერვისების უზრუნველყოფა უწყვეტობის და კომუნიკაციის შესანარჩუნებლად.  

პროგრამის EU4Digital საშუალებით უკრაინაში ციფრული ბაზრების ჰარმონიზაციას მოჰყვება ონლაინ სერვისების გაუმჯობესება, მათი ფასების შემცირება და არჩევანის გაზრდა ყველასთვის. ის მოიზიდავს ინვესტიციებს, განავითარებს ვაჭრობას და შექმნის სამუშაო ადგილებს, რაც ქვეყნის სოციალურ და ეკონომიკურ განვითარებას დაეხმარება. 

ინიციატივის EU4Digital საშუალებით ევროკავშირი ხელს უწყობს როუმინგის ტარიფების  შემცირებას, მაღალსიჩქარიანი ფართოზოლოვანი კავშირის დანერგვას ეკონომიკის განვითარების და ელ-სერვისების გაფართოების მიზნით, კოორდინირებულ კიბერუსაფრთხოებას და ციფრული ჩარჩოს ჰარმონიზაციას მთელ საზოგადოებაში და უამრავ სფეროში (მაგ. ლოგისტიკა, ჯანმრთელობა და ა. შ.), უნარების გაუმჯობესებას და სამუშაო ადგილების შექმნას ციფრულ ინდუსტრიაში.  

EU4Digital საქმიანობა აძლიერებს უკრაინის სხვა რეგიონულ მხარდაჭერას ევროკავშირის მხრიდან ბილატერალური პროექტების საშუალებით. 2016 წელს „U-LEAD with Europe“ პროგრამის ფარგლებში ევროკავშირმა დააფინანსა პროექტი EGOV4UKRAINE. პროექტმა შეიმუშავა და განახორციელა ორი ახალი ელ-სერვისის სისტემა, რომლებიც სახელმწიფო ხელისუფლების ორგანოებს შორის მონაცემთა გაცვლას აუმჯობესებს. გარდა ამისა, უკრაინამ ევროკავშირთან თანამშრომლობით დაიწყო ხანგრძლივი პროექტი სახელწოდებით EU4DigitalUA (2020-2024). ამ პროექტის მიზანია უკრაინაში ციფრული ტრანსფორმაციის ხელშეწყობა ხუთ ძირითად ამოცანაზე ფოკუსირებით: 

• ოპერაციული თავსებადობა და ციფრული მთავრობის ინფრასტრუქტურა; 
• ინსტიტუციების გაძლიერება და მათი პოტენციალის შექმნა; 
• კომუნიკაცია და საზოგადოების ინფორმირება; 
• ელ-სერვისების განვითარება; 
• კიბერუსაფრთხოება და მონაცემთა დაცვა. 

გარდა ამისა, ევროკავშირი ხელს უწყობს უკრაინის ციფრულ ტრანსფორმაციას პროექტის საშუალებით „ციფრული პოლიტიკის მხარდაჭერა უკრაინაში“ (2021-2024). ეს პროექტი ხელს უწყობს უკრაინის ვალდებულებების განხორციელებას ევროკავშირ-უკრაინის ასოცირების შეთანხმების ფარგლებში და მიზნად ისახავს უკრაინის ციფრული ტრანსფორმაციის სამინისტროს და ტელეკომუნიკაციების მარეგულირებლის მხარდაჭერას მათი ციფრული ეკონომიკის პოლიტიკის ამოცანების შესასრულებლად. 

უკრაინის მთავრობამ დაამტკიცა ევროკავშირის ელექტრონული კომუნიკაციების კანონი, რომელიც 2022 წლის იანვარში შევიდა ძალაში. ეს ასახავს უკრაინის მნიშვნელოვან პრიორიტეტს ევროკავშირის ერთიან ციფრულ ბაზარზე შემდგომი ინტეგრაციის კუთხით. 

2020 წლის ნოემბერში უკრაინის მთავრობამ დაამტკიცა სამოქმედო გეგმა 700-800 მჰც რადიოსიხშირის ზოლებისთვის, რომლებიც უნდა გამოთავისუფლდეს და ხელმისაწვდომი გახდეს 5G კომუნიკაციებისთვის; თუმცა, არსებული გარემოებების გამო ამ გეგმის განხორციელება ჯერ-ჯერობით შეჩერებულია. 

ფოკუსირება მომავალ ბილატერალურ დახმარებაზე ციფრულ სფეროში გაგრძელდება ციფრული ინფრასტრუქტურის აღდგენის, მთავრობის ციფრული გარდაქმნის და კიბერუსაფრთხოების მხარდაჭერით.  

დამატებითი ინფორმაციის მისაღებად ევროკავშირის და უკრაინის ურთიერთობების შესახებ ეწვიეთ: 

• EU4Ukraine ვებსაიტს 
• უკრაინაში ევროკავშირის წარმომადგენლობის ვებსაიტს