ელ-სანდოობა

EU4Digital ხელს უწყობს ნდობის სამსახურების განვითარებას ციფრულ ეკონომიკაში და კიბერ-უსაფრთხოებაში იმ უმნიშვნელოვანესი ინფრასტრუქტურის სიცოცხლისუნარიანობის გასაუმჯობესებლად, რომელიც წარმოადგენს ძირითადი სახელმწიფოთაშორისი ოპერაციულად თავსებადი ელექტრონული სერვისების შემადგენელ ნაწილს აღმოსავლეთ პარტნიორობის რეგიონში.

ელ-სანდოობა და სახელმწიფოთაშორისი ციფრული სერვისები

ინიციატივის EU4Digital საშუალებით ევროკავშირი მხარს უჭერს ორმხრივად აღიარებული და უსაფრთხო ელექტრონული იდენტიფიკაციის და ციფრული სანდოობის სერვისების განვითარებას მთელ აღმოსავლეთ პარტნიორობის რეგიონში და ევროკავშირთან.

ამ მიზნების განსახორციელებლად პროგრამის EU4Digital II მეორე ფაზა:

• დაეხმარება ელ-იდენტიფიკაციის და სანდოობის სერვისების დანერგვას აღმოსავლეთ პარტნიორობის რეგიონში ევროკავშირის მონაცემთაა დაცვის კანონმდებლობის და ახალი ევროპული ციფრული იდენტიფიკაციის ჩარჩოს შესაბამისად;
• განახორციელებს ოპერაციულად თავსებადი სახელმწიფოთაშორისი ელ-იდენტიფიკაციის პილოტირებას;
• დაეხმარება მონაცემთა მმართველობის რეგიონული და ქვეყნისთვის სპეციფიკური სტრატეგიების მომზადებას.

ზემოაღნიშნული მხარდაჭერა დაემყარება სანდოობასთან და უსაფრთხოებასთან დაკავშირებული საქმიანობის წარმატებას
I ფაზაში, რაც მოიცავს ელ-ხელმოწერების პილოტირებას, რომელიც ქვეყნებს შორის ტექნიკური ოპერაციული თავსებადობის ტესტირების მიზნით განხორციელდა. ჩატარდა სახელმწიფოთაშორისი ელ-სერვისების ოპერაციული თავსებადობის შეფასება, ელ-იდენტიფიკაციის ტექნოლოგიური მზადყოფნის შედარებითი ანალიზი და შემუშავდა კიბერუსაფრთხოების გზამკვლევები. გარდა ამისა, შეიქმნა ელ-მმართველობის ჩარჩო, ფოკუსირებული ციფრულ მონაცემთა ოპერაციული თავსებადობაზე, რაც საჯარო ადმინისტრაციის რეფორმების გაუმჯობესებული მხარდაჭერის ინსტრუმენტი იქნება.

პროგრამა მხარს უჭერს EU4Digital ელ-სანდოობის და სახელმწიფოთაშორისი ციფრული სერვისების პრიორიტეტებს, რაც მოიცავს შემდეგს:

• წინსვლა სახელმწიფოთაშორისი ელ-იდენტიფიკაციის დამტკიცების და ელ-ხელმოწერების ორმხრივი აღიარების საკითხებში ევროკავშირის მონაცემთა დაცვის სტანდარტების შესაბამისად;
• პილოტირებული ოპერაციულად თავსებადი სახელმწიფოთაშორისი ელ-იდენტიფიკაცია;
• მზადყოფნის შემდეგი დონე მონაცემთა მმართველობის რეგიონული და ქვეყნისთვის სპეციფიკური სტრატეგიების მოსამზადებლად;

ციფრულ ეკონომიკაში ელ-სანდოობის და სახელმწიფოთაშორისი სერვისების განვითარებით, რომლებიც იქნება უფრო უსაფრთხო, სწრაფი და იაფი, ევროკავშირი ინიციატივის EU4Digital საშუალებით ხელს უწყობს ელექტრონულ ტრანზაქციებს ბიზნესისა და მოქალაქეებისთვის; ამის შედეგად ეკონომიკა გაძლიერდება და გახდება უფრო დინამიური, და გაიზრდება ნდობა მომხმარებელთა მხრიდან.