ელექტრონული ჯანმრთელობა

ამ მიზნების მხარდასაჭერად პროგრამა „EU4Digital: ციფრული ეკონომიკის და საზოგადოების მხარდაჭერა აღმოსავლეთ პარტნიორობის ქვეყნებში“ განახორციელებს შემდეგს:

• ე-ჯანმრთელობის ჰარმონიზაციის სახელმძღვანელო რეკომენდაციების და სტანდარტების შემუშავება აღმოსავლეთ პარტნიორობის რეგიონისთვის
• ე-ჯანმრთელობის სახელმწიფოთაშორისი პლატფორმის შექმნა აღმოსავლეთ პარტნიორობის რეგიონში
• რეგიონის ჩართვა ევროკავშირის შესაბამის პროექტებში, პროგრამებსა და ინიციატივებში

პროგრამა მხარს უჭერს ინიციატივის EU4Digital ე-ჯანმრთელობის ქსელის საქმიანობას, რომლის მთავარი ამოცანები მოიცავს შემდეგს:

• პლატფორმის შექმნა ინფორმაციის და ექსპერტული ცოდნის ურთიერთგაზიარებისთვის ე-ჯანმრთელობის საკითხებზე
• ე-ჯანმრთელობის ინსტიტუციების, საზოგადოებების და პროფესიონალების პოტენციალის შექმნა აღმოსავლეთ პარტნიორობის ქვეყნებში
• რეკომენდაციების შემუშავება ე-ჯანმრთელობის პოლიტიკის ჰარმონიზაციისთვის
• სახელმწიფოთაშორისი ე-ჯანმრთელობის პილოტირება პარტნიორ ქვეყნებს შორის და ევროკავშირის წევრ სახელმწიფოებთან

ე-ჯანმრთელობის სისტემების შექმნის ძალისხმევის მხარდაჭერით და  ევროკავშირთან და სახელმწიფოებს შორის თანამშრომლობის უზრუნველყოფით EU4Digital სარგებლობას მოუტანს პაციენტებს, ჯანდაცვის სისტემებს და პროფესიონალებს. საბოლოოდ, ე-ჯანმრთელობის გაუმჯობესების შედეგი იქნება მოქალაქეების ჯანმრთელობის გაუმჯობესება, უფრო ეფექტიანი მომსახურება, უკეთესი რეაგირების უნარის მქონე სადაზღვევო მომსახურება და რეგულირების გაუმჯობესება.