Электронная ахова здароўя

Праз ініцыятыву EU4Digital ЕС дапамагае закладваць падмурак для развіцця гарманізаванай сістэмы лічбавай аховы здароўя і трансгранічных паслуг паміж краінамі Усходняга партнёрства (УП) і з ЕС, уключаючы стварэнне актыўнай супольнасці зацікаўленых бакоў сферы электроннай аховы здароўя ў рэгіёне УП.

Дзеля дасягнення гэтых мэт Фаза II праекта EU4Digital будзе накіравана на:

• Падрыхтоўку рэкамендацый па распрацоўцы стратэгій у галіне электроннай аховы здароўя і дарожных карт ва Усходніх краінах-партнёрах, а таксама выкарыстанні даных пацыентаў у адпаведнасці з нормамі і перадавым досведам ЕС;
• Тэставы запуск трансгранічных паслуг у галіне электроннай аховы здароўя.
• Падтрымку супрацоўніцтва ў сферы электроннай аховы здароўя праз арганізацыю мерапрыемстваў, спрашчэнне камунікацыі ўнутры краін і ўстаноў і паміж імі і тэхнічнае абслугоўванне партала для супрацоўніцтва, створанага падчас Фазы I;
• Працяг дзейнасці, што спрыяе актыўнаму і здароваму старэнню ва Усходніх краінах-партнёрах, у прыватнасці праз фінансаваны ЕС праект «Інавацыйныя сеткі па актыўным і здаровым старэнні» (IN-4-AHA).

У якасці асновы выкарыстоўваюцца дасягненні ў галіне Электроннай аховы здароўя падчас Фазы І, сярод якіх падрыхтоўка кіраўніцтва па гарманізацыі і сумяшчальнасці дзеля выпрацоўкі агульнага падыходу да аказання трансгранічных паслуг электроннай аховы здароўя, запуск партала і сістэмы супрацоўніцтва ў сферы электроннай аховы здароўя і распрацоўка дарожнай карты дзеля ўцягнення краін-партнёраў у ініцыятыву «Еўрапейскае інавацыйнае партнёрства па актыўным і здаровым старэнні».

Праект падтрымлівае дзейнасць экспертнай Сеткі электроннай аховы здароўя EU4Digital, галоўныя мэты якой уключаюць:

• Спрыянне супрацоўніцтву ў галіне электроннай аховы здароўя і пастаяннае тэхнічнае абслугоўванне платформы для абмену інфармацыяй і досведам;
• Нарошчванне патэнцыялу ўстаноў, супольнасцей і спецыялістаў сферы электроннай аховы здароўя;
• Распрацоўку рэкамендацый па гарманізацыі стратэгій і дарожных карт у сферы электроннай аховы здароўя;
• Тэставы запуск трансгранічных паслуг у галіне электроннай аховы здароўя паміж краінамі-партнёрамі і з дзяржавамі-членамі ЕС.

Падтрымліваючы намаганні па распрацоўцы сістэм электроннай аховы здароўя і забеспячэнні трансгранічнага супрацоўніцтва, у тым ліку з ЕС, EU4Digital прыносіць карысць пацыентам, а таксама сістэмам аховы здароўя і спецыялістам дадзенай сферы. У канчатковым выніку ўдасканаленні ў сферы электроннай аховы здароўя прывядуць да паляпшэння здароўя грамадзян, павышэння эфектыўнасці медыцынскай дапамогі, большай гнуткасці страхавых кампаній і лепшаму рэгуляванню.