Грузія

EU4Digital імкнецца пашырыць перавагі Адзінага лічбавага рынку ЕС на Грузію і іншыя Усходнія краіны-партнёры, скіроўваючы падтрымку ЕС на развіццё патэнцыялу лічбавай эканомікі і грамадства.

У прыватнасці праз EU4Digital ЕС будзе спрыяць зніжэнню тарыфаў на роўмінг і далейшай гарманізацыі з тарыфамі на роўмінг у ЕС, развіццю і ўкараненню высакахуткаснай шырокапалоснай сувязі, каб стымуляваць эканоміку, і гарманізацыі лічбавых праграм ва ўсім грамадстве, пачынаючы ад лагістыкі і канчаючы аховай здароўя, кібербяспекай і лічбавымі навыкамі.

Развіццё шырокапалоснай сувязі з’яўляецца адным з ключавых прыярытэтаў ініцыятывы ЕС EU4Digital. У межах свайго Праекта па распрацоўцы стратэгіі ў галіне шырокапалоснай сувязі Грузія прадставіла стратэгію развіцця шырокапалоснай сувязі на 2020-2025 гг. Стварэнне ўдасканаленай нарматыўна-прававой базы для развіцця шырокапалоснай сувязі ў адпаведнасці з нормамі ЕС і пераадоленне лічбавага адставання сельскай мясцовасці былі названыя ключавымі задачамі краіны.

Лічбавы парадак з’яўляецца ключавым прыярытэтам як для ўрада Грузіі так і для ЕС. Еўрапейскі саюз падтрымлівае лічбавую эканоміку і грамадства ў Грузіі праз некалькі двухбаковых праектаў.

• ЕС і ЕІБ (Еўрапейскі інвестыцыйны банк) робяць унёсак у пашырэнне нацыянальнай шырокапалоснай сеткі, каб забяспечыць хуткімі і надзейнымі інтэрнэт-паслугамі сельскую мясцовасць Грузіі.   Гэты флагманскі праект Сельскай аптавалаконнай сеткі садзейнічае развіццю лічбавай сеткі, якая з’яўляецца адной з ключавых абласцей эканамічнага і інвестыцыйнага плана ЕС для Усходняга партнёрства.
• У святле нядаўняй пандэміі COVID-19 ЕС разам з СААЗ, ЮНФПА (Фондам у галіне народанасельніцтва ААН), ЮНІСЕФ і ЮНОПС (Упраўленнем ААН па абслугоўванні праектаў) запусціў праект для памяншэння ўздзеяння COVID-19 на Грузію дзякуючы рашэнням у галіне тэлемедыцыны і лічбавай аховы здароўя. Гэты праект (2021-2024 гг.) накіраваны на пашырэнне доступу да асноўных медыцынскіх паслуг і зніжэнне загружанасці сістэмы аховы здароўя падчас пандэміі дзякуючы распаўсюджванню лічбавых медыцынскіх рашэнняў у сельскай мясцовасці. Галоўныя яго мэты – стымуляванне тэхналогій тэлемедыцыны, умацаванне тэхнічнага патэнцыялу сістэмы аховы здароўя і павышэнне інфармаванасці аб прафілактыцы COVID-19 і аб тэхналогіях тэлемедыцыны.
• Яшчэ адной ключавой двухбаковай праграмай з’яўляецца EU 4 Smart Economic Development. Яна сканцэнтравана на чатырох галоўных кампанентах. Па-першае, яна імкнецца стымуляваць эканамічную дзейнасць і нарошчваць патэнцыял, скарачаючы лічбавае адставанне сельскай мясцовасці ў галіне лічбавізацыі. Другі кампанент сканцэнтраваны на ўдасканаленні лічбавых навыкаў і пашырэнні магчымасцей дзяўчынак і жанчын ў сферы ІКТ. Трэці кампанент факусіруецца на лічбавым росце МСП (малых і сярэдніх прадпрыемстваў), а чацвёрты – на каардынацыі стратэгічнай палітыкі, што датычыцца лічбавізацыі.

Каб даведацца больш аб адносінах ЕС з Грузіяй, зайдзіце на

• сайт EU4Georgia
• сайт Прадстаўніцтва Еўрапейскага саюза ў Грузіі.