Праект, які ажыццяўляецца Сусветным банкам, аказвае падтрымку краінам Усходняга партнёрства ў распрацоўцы і рэалізацыі на раннім этапе нацыянальных стратэгій развіцця шырокапалоснай сувязі ў адпаведнасці з аналагічнымі стратэгіямі ЕС шляхам аказання тэхнічнай дапамогі і падтрымкі ў нарошчванні патэнцыялу.
Мэты
Асноўнай мэтай праекта з’яўляецца паскарэнне разгортвання шырокапалоснай сувязі ў рэгіёне Усходняга партнёрства шляхам рэалізацыі нацыянальных стратэгій у галіне шырокапалоснай сувязі ў адпаведнасці з аналагічнымі стратэгіямі ЕС. Паскарэнне разгортвання шырокапалоснай сувязі ў рэгіёне Усходняга партнёрства мае крытычна важнае значэнне не толькі з пункту гледжання яго патэнцыялу для росту ВУП (паводле ацэнак, ад 2,9 млрд. еўра да 4,3 млрд. еўра для рэгіёну Усходняга партнёрства толькі ў выпадку стацыянарнай шырокапалоснай сувязі), але і для забеспячэння неабходнай узаемасувязі пры развіцці электронных паслуг для бізнесу і грамадзян.
Дзейнасць
Праект прадугледжвае наступныя мерапрыемствы:
- Параўнаўчае даследаванне і аналіз прабелаў
Правядзенне параўнаўчага даследавання і аналізу прабелаў сённяшняга стану рынку ў адпаведнасці з рамкамі ЕС і перадавой практыкай дзяржаў-членаў ЕС. У кожнай краіне Сусветны банк праводзіць аналіз наяўных дзяржаўных стратэгій развіцця шырокапалоснай сувязі, нарматыўна-прававой базы і практык, звязаных з развіццём шырокапалоснай сувязі.
- Падтрымка мер па ўдасканаленні нарматыўна-прававых рамак
На аснове аналізу прабелаў праект аказвае падтрымку нацыянальным дырэктыўным і рэгулятыўным органам у распрацоўцы агульнага падыходу да ўдасканалення нарматыўна-прававых рамак краін-партнёраў у мэтах садзейнічання развіццю шырокапалоснай сувязі, асабліва тэлекамунікацый і лічбавай эканомікі, у каардынацыі з дзейнасцю, што ажыццяўляецца ў рамках розных сетак ініцыятывы EU4Digital, і ў адпаведнасці з перадавымі практыкамі ЕС.
- Падтрымка картаграфавання шырокапалоснай сувязі
Банк аказвае падтрымку нацыянальным дырэктыўным і рэгулятыўным органам у правядзенні аналізу інфраструктуры і паслуг шырокапалоснай сувязі ў краінах Усходняга партнёрства. Правядзенне аналізу шырокапалоснай сувязі грае дзве ўзаемазвязаныя ролі. З аднаго боку, гэта каардынацыя разгортвання інфраструктуры з мэтай скарачэння выдаткаў, а з другога — класіфікацыі геаграфічных раёнаў на белыя, шэрыя і чорныя зоны для наступнага аказання дзяржаўнай дапамогі.
- Садзейнічанне абмену досведам і перадавой практыкай
У рамках праекта ў залежнасці ад патрэб краін-партнёраў арганізуюцца тэхнічныя місіі, семінары і мерапрыемствы па аказанні тэхнічнай дапамогі для абмену досведам і вывучэння перадавой практыкі па тэмах, звязаных з развіццём шырокапалоснай сувязі. Дзейнасць засяроджваецца на такіх тэмах, як шырокапалосны доступ у сельскіх рэгіёнах, кіраванне карыстаннем радыёчастотным дыяпазонам, міжнародная і рэгіянальная трансмежная узаемасувязь, рэгуляванне аптовага і рознічнага рынкаў, зніжэнне выдаткаў за кошт сумеснага выкарыстання інфраструктуры, дзяржаўная дапамога ў выпадках недахопаў адпаведных рыначных механізмаў і захады па заахвочванні попыту.
- Распрацоўка і падтрымка рэалізацыі стратэгій развіцця шырокапалоснай сувязі
Праект аказвае падтрымку краінам Усходняга партнёрства ў распрацоўцы або абнаўленні стратэгій развіцця шырокапалоснай сувязі праз аказанне тэхнічнай дапамогі па канкрэтных тэмах і вынясенне рэкамендацый па паляпшэнні іх планаў дзеянняў. Праект таксама будзе ўзаемадзейнічаць з партнёрамі для вызначэння магчымых інвестыцыйных праграм, якія маглі б быць падтрыманыя супольна ў партнёрстве з прыватным сектарам.
