ციფრული უნარებიEU4Digital აკადემია

EU4Digital ხელს უწყობს ციფრული უნარების სტრატეგიის დანერგვას აღმოსავლეთ პარტნიორობის ქვეყნებში, რაც მიზნად ისახავს ციფრულ სფეროში დასაქმების ეროვნული კოალიციების და კომპეტენციების ჩარჩოს ჩამოყალიბებას მცირე ბიზნესისთვის.

ინიციატივის EU4Digital საშუალებით, ევროკავშირი მიზნად ისახავს საფუძვლის შექმნას აღმოსავლეთ პარტნიორობის რეგიონის ერთი მილიონი მოქალაქის ციფრული გაძლიერებისთვის, რაც განხორციელდება მათი ციფრული განათლებისათვის შესაძლებლობების უზრუნველყოფით. ციფრული უნარების განვითარების ძირითადი სფეროებია: ციფრული განსხვავებების დაძლევა ციფრული კომპეტენციების ჩარჩოს საშუალებით მცირე და საშუალო საწარმოებისთვის (მსს) და ციფრული ტრანსფორმაციის მონიტორინგის ხარისხის გაუმჯობესება.

ამ მიზნების განსახორციელებლად პროგრამის EU4Digital II მეორე ფაზა:

• ხელს შეუწყობს საგანმანათლებლო ტექნოლოგიების (EdTech) რეგიონული პლატფორმის შექმნას უნარების ტრენინგის ვრცელი სასწავლო პროგრამით;
• შეიმუშავებს ქვეყნისთვის სპეციფიკურ მეთოდოლოგიებს მენტორობის პროგრამების მხარდასაჭერად, რაც დაემყარება I ფაზაში შექმნილ სახელმძღვანელო რეკომენდაციებს გენდერული უთანასწორობის დასაძლევად საინფორმაციო და საკომუნიკაციო ტექნოლოგიებში.
• ციფრული ეკონომიკის და საზოგადოების ინდექსის (DESI) აქსელერატორი: ხელს შეუწყობს და დაეხმარება ევროკავშირის DESI-ს დანეგრვას აღმოსავლეთ პარტნიორობის ქვეყნებში.

აღნიშნული დაემყარება ციფრული უნარების სფეროში მიღწეულ წარმატებებს I ფაზაში, რაც მოიცავს მეთოდოლოგიის შემუშავებას ციფრულ უნარებში არსებული განსხვავებების გასაზომად, და ციფრულ უნარებში არსებული ხარვეზების პროგნოზირებას DESI-ს შესაბამისად აღმოსავლეთ პარტნიორობის რეგიონში. გარდა ამისა, შეიქმნა ციფრული კომპეტენციების ჩარჩო მსს-ებისთვის, და მხარდაჭერა გაეწია უნარებისა და დასაქმების ეროვნული კოალიციების ჩამოყალიბებას აღმოსავლეთ პარტნიორობის ქვეყნებში.

პროგრამა ხელს უწყობს ინიციატივის EU4Digital ციფრული უნარების ქსელის საქმიანობას, რომელიც შემდეგ პრიორიტეტებზეა ფოკუსირებული:

• ციფრული უნარები მოქალაქეებისთვის
• ციფრული უნარები საინფორმაციო და საკომუნიკაციო ტექნოლოგიების (ICT) პროფესიონალებისთვის
• ციფრული უნარები არა-ICT პროფესიონალებისთვის, მათ შორის მსს-ებისთვის
• ციფრული უნარები განათლებაში (ციფრული უნარები განათლების მუშაკების, ახალგაზრდობის და სტუდენტების/მოსწავლეებისთვის)
• ციფრული ეკონომიკის და საზოგადოების ინდიკატორების გაზომვა

ციფრული უნარები სასიცოცხლოს მნიშვნელოვანია მზარდი ციფრული ეკონომიკისა და საზოგადოებებისთვის. ციფრული უნარების განვითარების და გაზომვის მხარდაჭერით ევროკავშირი EU4Digital ინიციატივის საშუალებით ეხმარება უნარების შესაბამისობაში მოყვანას ახალი სექტორების მოთხოვნებთან, ხელს უწყობს დასაქმებას, კერძო სექტორის განვითარებას და ეკონომიკის დინამიურ ზრდას.