Telekommunikasiya qaydaları

EU4Digital təşəbbüsü vasitəsilə Aİ Şərq Tərəfdaşlığı (ŞT) regionunda rouminq xidmətindən istifadə edən vətəndaşlar üçün mobil rouminq xidmətlərinin pərakəndə satış qiymətlərinin azaldılması və yüksək sürətli və təhlükəsiz bağlantıdan əlverişli qiymətə istifadə istiqamətində göstərilən səyləri dəstəkləyir.

Bu məqsədlər naminə EU4Digital proqramının II mərhələsi aşağıdakı işləri görəcək:

• Şərq Tərəfdaşlığı ölkələri arasında və mümkün olduqda Aİ ilə rouminq üzrə sazişlərin həyata keçirilməsinə yardım;
• Şərq Tərəfdaşlığı ölkələrində özəl 5G şəbəkələrinin inkişafını təşviq etmək üçün yol xəritələrinin hazırlanması, o cümlədən Radiotezlik spektri üzrə regional razılaşmanın vaxtında həyata keçirilməsinə dəstək;
• Aİ-nin 5G şəbəkəsinin təhlükəsizliyi ilə bağlı alətlər paneli əsasında Şərq Tərəfdaşlığı ölkələrində 5G şəbəkələrinin təhlükəsizliyinin təmin edilməsi üçün təlimatların hazırlanması;
• Görülən işləri izləmək, şəbəkələşməni və qabaqcıl təcrübələrin mübadiləsini təşviq etmək üçün ŞT Genişzolaqlı Rəsədxanası daxil olmaqla, regionda rəqabət qabiliyyətli genişzolaqlı internet xidmətlərinə çıxışın təşviqi;
• Bazarların təhlili vasitəsilə regionda hədəf elektron rabitə bazarlarında rəqabət qabiliyyətini izləmək və təmin etmək üçün Milli tənzimləyici orqanlara səlahiyyətlərin verilməsinə dəstək.

Bu işlər proqramın I mərhələsinin Telekommunikasiya qaydaları tematik sahəsinin nailiyyətlərinə əsaslanır və buraya Regional Rouminq Razılaşmasının layihəsinin hazırlanması daxildir. COVID pandemiyasının və Ukraynadakı müharibənin regiona təsirinə baxmayaraq, Şərq Tərəfdaşlığı ölkələri arasında pərakəndə rouminq qiymətlərini aşağı salmaq məqsədi dəyişməyib. Eyni zamanda, Radiotezlik spektri üzrə regional razılaşma hazırlanıb, boşluqların qiymətləndirilməsi və milli fəaliyyət planlarının hazırlanması daxil olmaqla, elektron rabitə sahəsində milli tənzimləyici orqanlara dəstək göstərilmişdir.

Proqramda Şərq Tərəfdaşlığı Elektron Rabitə Tənzimləyiciləri Şəbəkəsinin (EaPeReg) prioritetləri dəstəklənir. Milli tənzimləyici orqanların bu platforması fəaliyyətinə dair beş əsas komponent müəyyən edilib:

• Qanunvericiliyin uyğunlaşdırılması və milli tənzimləyici orqanların müstəqilliyinin artırılması
• Tətbiq dairələrinin əlaqələndirilməsi
• Rouminq tariflərinin uzlaşdırılması
• Müqayisəli tədqiqatlar
• Genişzolaqlı rabitənin inkişafı

Telekommunikasiya qaydaları şəbəkəsi sahəsindəki bu məqsədləri ötürməyə yönəlmiş Aİ dəstəyi sayəsində rouminq tariflərinin azalması, rəqabət qabiliyyətinin artması və sərmayələrin cəlb olunmasına səbəb olacaq daha güclü qanunvericilik, eləcə də istehlakçıların hüquqlarının qorunması və gələcəkdə yeni simsiz genişzolaqlı rabitə və 5G texnologiyasının tətbiqi formasında ŞT regionunda vətəndaşlar və müəssisələrin mənfəətlər qazanacağı nəzərdə tutulub.