Лічбавы давер: ключавая роля EU4Digital для грамадства падчас пандэміі і пасля яе
Дата: 08/09/20
Пандэміі аказваюць істотны ўплыў на доўгатэрміновае развіццё грамадстваў і на ўклад жыцця людзей. Хоць пандэмія COVID-19 не першая ў найноўшай гісторыі, яна стала першай у эпоху лічбавай эканомікі, калі большасць бізнес-мадэлей і прадпрыемстваў, што ствараюць каштоўнасці, так ці інакш разлічваюць на лічбавыя камунікацыі і інтэрнэт.
З пачатку дзесяцігоддзя прадпрыемствы сталі пераходзіць ад традыцыйнай афлайн-мадэлі, якая патрабавала наяўнасці фізічнай прасторы для ажыццяўлення дзелавых аперацый, да лічбавай мадэлі, якая прадугледжвае актыўнае і штодзённае выкарыстанне вэб-сайтаў і платформ электроннай камерцыі для вядзення бізнесу.
Меры па стрымліванні пандэміі COVID-19 (каранціны, захаванне сацыяльнай дыстанцыі і г.д.) карэнным чынам перайначылі эканамічнае і дзелавое асяроддзе, даўшы стымул прадпрыемствам і арганізацыям ва ўсім свеце ўводзіць бізнес-мадэлі, заснаваныя на выкарыстанні лічбавых тэхналогій, каб ісці ў нагу з часам пасля пандэміі.
Сярод гэтага шаленства, звязанага з лічбавай трансфармацыяй, лічбавы давер застаецца адной з самых надзённых праблем, якія патрабуюць хуткага вырашэння.
У ЕС было распрацавана некалькі стратэгій для вырашэння гэтых праблем, сярод якіх:
Стратэгія Адзінага лічбавага рынку для Еўропы.
Рэгламент eIDAS для паслуг даверу.
Рэгламент АРАД для абароны і захавання канфідэнцыяльнасці даных.
Скасаванне платы за роўмінг.
Мадэрнізацыя сістэмы абароны даных.
Трансгранічная мабільнасць анлайн-кантэнту.
Пагадненне аб зняцці абмежаванняў на электронную камерцыю дзякуючы скасаванню неабгрунтаванай геаблакіроўкі.
EU4Digital – Важнасць напрамку «Давер і бяспека» ва ўмовах пандэміі
Адной з самых амбіцыйных мэт праекта EU4Digital было забеспячэнне трансгранічнага ўзаемнага прызнання лічбавых подпісаў і паслуг даверу паміж дзяржавамі-членамі ЕС і Усходнімі краінамі-партнёрамі. Калі праект толькі запусціўся, гэтыя грандыёзныя мэты, што былі пастаўленыя ў рамках тэматычнага напрамку «Давер і бяспека», лічыліся не самымі жыццёва важнымі ў параўнанні з іншымі напрамкамі. З пачатку працы ў рамках тэматычнага напрамку «Давер і бяспека» у 2019 годзе і па меры яе працягвання ў першай палове 2020 года станавілася ўсё больш ясна, што забеспячэнне лічбавага даверу і трансгранічнага ўзаемнага прызнання лічбавых подпісаў і электронных пасведчанняў асобы стане вельмі важнай задачай для грамадстваў, якія змагаюцца з пандэміяй. Дзеля таго, каб грамадства квітнела, развівалася і было ўстойлівым перад тварам глабальных падзей, яно павінна быць рухлівым і гнуткім, а таксама адыходзіць ад бюракратычных працэдур, якія толькі ўскладняюць дзейнасць дзяржаўнага сектара.
Прызнанне лічбавых подпісаў і наданне ім юрыдычнай сілы дазваляе грамадзянам і прадпрыемствам:
займацца прадпрымальніцкай дзейнасцю,
набываць тавары і паслугі,
купляць і прадаваць нерухомасць,
займацца юрыдычнай і фінансавай дзейнасцю,
мець доступ да медыцынскіх паслуг
і г.д., захоўваючы сацыяльную дыстанцыю і прытрымліваючыся іншых мер, якія ўводзяцца для стрымлівання глабальнай пандэміі.
У дадзеных умовах трансгранічнае ўзаемнае прызнанне лічбавых подпісаў дазваляе прадпрыемствам і грамадзянам у асобных краінах не апынуцца ізаляванымі і захоўваць звыклы ўклад жыцця падчас пандэміі, карыстаючыся паслугамі лічбавага даверу.
Па меры таго, як праца ў рамках тэматычнага напрамку «Лічбавы давер і бяспека» будзе працягвацца, асноўная дзейнасць будзе сканцэнтравана на падрыхтоўцы рэкамендацый і індывідуальных дарожных карт для шасці Усходніх краін-партнёраў, якія павінны будуць дапамагчы ім у бліжэйшай будучыні дасягнуць трансгранічнага ўзаемнага прызнання лічбавых подпісаў і электронных пасведчанняў асобы з дзяржавамі-членамі ЕС.
Мы выкарыстоўваем cookie-файлы на гэтым сайце, каб зрабіць яго больш прыдатным для Вас, а таксама для спрашчэння навігацыі па сайце і для аналізу таго, як ён выкарыстоўваецца. Націскаючы на кнопку "Дазволіць усе cookie-файлы", Вы даяце нам згоду на выкарыстанне cookie-файлаў.
Даведацца больш аб тым, якія cookie-файлы мы выкарыстоўваем, а таксама змяніць наладкі cookie-файлаў Вы можаце ў раздзеле Палітыка выкарыстання cookie-файлаў.
Функцыянальныя cookie-файлы
Функцыянальныя cookie-файлы, якія з'яўляюцца істотнымі для працы сайта. Гэтыя cookie-файлы таксама дапамагаюць нам вымяраць прадукцыйнасць сайта і рабіць яго больш прыдатным для Вас, а таксама запамінаць любыя абраныя Вамі наладкі.
If you disable this cookie, we will not be able to save your preferences. This means that every time you visit this website you will need to enable or disable cookies again.
Рэкламныя/мэтавыя cookie-файлы
Рэкламныя/мэтавыя cookie-файлы, якія мы выкарыстоўваем для адсочвання дзеянняў і сесій карыстальнікаў, каб прапаноўваць больш персаналізаваныя паслугі, і (у выпадку рэкламных cookie-файлаў) якія задаюцца трэцімі бакамі, з якімі мы ажыццяўляем сумесныя рэкламныя кампаніі, і дазваляюць нам паказваць актуальную для Вас рэкламу. Гэтыя cookie-файлы не з'яўляюцца абавязковымі, а карыстальнікі могуць забараніць іх выкарыстанне ў любы момант.