Лічбавыя навыкі на працоўным месцы: EU4Digital распрацоўвае Структуру лічбавых кампетэнцый для МСП і мікрапрадпрыемстваў
Дата: 14/09/20
Праект EU4Digital распрацоўвае Структуру лічбавых кампетэнцый для МСП і мікрапрадпрыемстваў у краінах Усходняга партнёрства, заснаваную на тых, што ўжо існуюць у ЕС. Мэтай стварэння структуры кампетэнцый з’яўляецца ўдасканаленне лічбавых навыкаў супрацоўнікаў МСП і мікрапрадпрыемстваў.
Лічбавыя кампетэнцыі граюць усё больш важную ролю ва ўсіх галінах эканомікі па меры таго, як межы паміж функцыямі, звязанымі і не звязанымі з ІКТ, паступова размываюцца. Спецыялісты, што працуюць на МСП і мікрапрадпрыемствах, часта выконваюць некалькі службовых і/ці міжгаліновых абавязкаў, у тым ліку тых, што патрабуюць розных узроўняў лічбавых кампетэнцый.
Структура лічбавых кампетэнцый для краін Усходняга партнёрства заснавана на Структуры лічбавых кампетэнцый для грамадзян ЕС (DigComp) і Еўрапейскай структуры электронных кампетэнцый (e-CF), якія выкарыстоўваюцца найбольш часта і ахопліваюць лічбавыя навыкі.
Гэтыя дзве структуры кампетэнцый могуць выкарыстоўвацца для апісання лічбавых кампетэнцый, пачынаючы ад карыстальніка базавага ўзроўню (DigComp) і канчаючы ўзроўнем эксперта і прафесійным узроўнем у галіне ІКТ(e-CF).
DigComp апісвае, што азначае быць грамадзянінам, кампетэнтным у лічбавай галіне, улічваючы 21 розную кампетэнцыю. Лічбавыя кампетэнцыі вызначаюцца як ключавыя дадатковыя кампетэнцыі, якія прадугледжваюць уменне крытычна, узгоднена і творча выкарыстоўваць лічбавыя тэхналогіі.
E-CF прэдастаўляе агульныя даведачныя матэрыялы для спецыялістаў у галіне ІКТ і была распрацавана ў выніку супрацоўніцтва паміж рознымі экспертамі і зацікаўленымі бакамі галіны ІКТ. E-CF апісвае 41 кампетэнцыю, якія датычацца вытворчых працэсаў у галіне ІКТ.
Развіццё лічбавых навыкаў сярод працаўнікоў МСП і мікрапрадпрыемстваў мае вялікае значэнне, таму што МСП з’яўляюцца ключавымі гульцамі ў эканоміках краін Усходняга партнёрства. Ва ўсходніх краінах-партнёрах МСП складаюць 99% ад усіх прадпрыемстваў, калі заняты на іх усяго толькі 57% супрацоўнікаў, працуючых на прыватных прадпрыемствах. Для параўнання, у ЕС МСП граюць значную ролю ў размеркаванні занятасці (85% новых працоўных месцаў).
Для поўнай рэалізацыі свайго патэнцыялу прадпрыемлівым і хутка растучым МСП у краінах Усходняга партнёрства будуць патрэбныя лічбавыя кампетэнцыі, такія як аналітыка і інструменты аналітыкі вялікіх дадзеных, воблачныя вылічэнні і візуалізацыя, дызайн і распрацоўка мабільных прыкладанняў, вэб-распрацоўка і яе інструменты, ІТ-архітэктура і навыкі ў галіне інфармацыйнай бяспекі.
У адказ на гэтую неабходнасць EU4Digital распрацоўвае структуру кампетэнцый, якая магла б дапамагчы стварыць агульную мову для лічбавых кампетэнцый, а таксама падтрымаць развіццё кар’еры і адукацыйнага шляху. Структура кампетэнцый будзе мець тры элементы:
Метадалогія, якая апісвае метады распрацоўкі, працэс і мэты структуры кампетэнцый.
Кіраўніцтва па выкарыстанні структуры кампетэнцый для МСП і мікрапрадпрыемстваў у краінах Усходняга партнёрства.
Адабраныя профілі пасад, якія змяшчаюць ключавыя кампетэнцыі і навыкі для выканання пэўных службовых абавязкаў на МСП і мікрапрадпрыемствах, у адпаведнасці са Структурай лічбавых навыкаў.
МСП і мікрапрадпрыемствы ў краінах Усходняга партнёрства маюць розную колькасць супрацоўнікаў, працуюць у розных галінах эканомікі і валодаюць розным узроўнем лічбавых кампетэнцый. Структура лічбавых кампетэнцый будзе распрацавана такім чынам, каб яна магла выкарыстоўвацца на большасці МСП і мікрапрадпрыемстваў у краінах Усходняга партнёрства, незалежна ад галіны, памеру прадпрыемства і ўзроўню валодання лічбавымі навыкамі.
Для распрацоўкі структуры кампетэнцый будуць ужывацца існуючыя структуры кампетэнцый ЕС з іх прыстасаваннем пад патрэбы МСП і мікрапрадпрыемстваў краін Усходняга партнёрства для іх комплекснага выкарыстання. Вызначэнне профіляў пасад, распрацоўка кіраўніцтва і метадалогіі ажыццяўляюцца ў супрацоўніцтве са спецыялістамі з краін Усходняга партнёрства. Праект EU4Digital падтрымлівае распрацоўку Структуры лічбавых кампетэнцый для МСП і мікрапрадпрыемстваў у краінах Усходняга партнёрства, а таксама арганізацыю трэнінгаў, канферэнцый і вучэбных візітаў у краіны-члены ЕС для асоб, якія вызначаюць палітыку, і пастаўшчыкоў адукацыйных паслуг з мэтай распаўсюджвання вопыту ЕС.
Мы выкарыстоўваем cookie-файлы на гэтым сайце, каб зрабіць яго больш прыдатным для Вас, а таксама для спрашчэння навігацыі па сайце і для аналізу таго, як ён выкарыстоўваецца. Націскаючы на кнопку "Дазволіць усе cookie-файлы", Вы даяце нам згоду на выкарыстанне cookie-файлаў.
Даведацца больш аб тым, якія cookie-файлы мы выкарыстоўваем, а таксама змяніць наладкі cookie-файлаў Вы можаце ў раздзеле Палітыка выкарыстання cookie-файлаў.
Функцыянальныя cookie-файлы
Функцыянальныя cookie-файлы, якія з'яўляюцца істотнымі для працы сайта. Гэтыя cookie-файлы таксама дапамагаюць нам вымяраць прадукцыйнасць сайта і рабіць яго больш прыдатным для Вас, а таксама запамінаць любыя абраныя Вамі наладкі.
If you disable this cookie, we will not be able to save your preferences. This means that every time you visit this website you will need to enable or disable cookies again.
Рэкламныя/мэтавыя cookie-файлы
Рэкламныя/мэтавыя cookie-файлы, якія мы выкарыстоўваем для адсочвання дзеянняў і сесій карыстальнікаў, каб прапаноўваць больш персаналізаваныя паслугі, і (у выпадку рэкламных cookie-файлаў) якія задаюцца трэцімі бакамі, з якімі мы ажыццяўляем сумесныя рэкламныя кампаніі, і дазваляюць нам паказваць актуальную для Вас рэкламу. Гэтыя cookie-файлы не з'яўляюцца абавязковымі, а карыстальнікі могуць забараніць іх выкарыстанне ў любы момант.