პროექტი SKYE Net (ქსელი „უნარები და ცოდნა ახალგაზრდების გასაძლიერებლად“) ხელს უწყობს ახალგაზრდების აქტიურ მონაწილეობას როგორც დემოკრატიულ, ისე ეკონომიკურ ცხოვრებაში სამეწარმეო და კარიერის მართვის უნარების გაძლიერებით. აქცენტი კეთდება სოციალურად დაუცველ ახალგაზრდებზე და ახალგაზრდების მიერ მართული იმ სოციალური საწარმოების მხარდაჭერაზე, რომლებიც ჭრიან თემის დონეზე არსებულ პრობლემებს და მიმართულნი არიან ციფრულ და მწვანე გარდაქმნაზე სომხეთში, საქართველოსა და მოლდოვაში.
ეს პლატფორმა მოიზიდავს შესაბამის კერძო და საჯარო პირებს, საგანმანათლებლო დაწესებულებებს და წარმომადგენლობით ახალგაზრდულ ორგანიზაციებს ამ სამი ქვეყნიდან.
მიზნები
ზოგადი მიზანია წარმატებული სამეწარმეო და კარიერის მენეჯმენტის პრაქტიკა, ასევე სოციალური ბიზნესის შესაძლებლობების გაუმჯობესება ახალგაზრდებისთვის სომხეთში, საქართველოსა და მოლდოვაში. ეს შემდეგი კონკრეტული მიზნების საშუალებით მიიღწევა:
- ცვლილებების ინიციატორმა ახალგაზრდებმა სომხეთში, საქართველოსა და მოლდოვაში გააფართოვეს შესაძლებლობები და პოტენციალი საკუთარი ეფექტური იდეების მდგრად სოციალურ ბიზნესად გარდასაქმნელად.
- მწვანე და ციფრულ ეკონომიკაზე მიმართული ახალგაზრდული სოციალური მეწარმეობის აქსელერაცია ხდება სოციალური საწარმოების ბიზნეს-მოდელების განვითარებით, ტრანსსასაზღვრო ქსელური აქტივობით და ბიზნეს-გარემოს გაუმჯობესებით.
მოსალოდნელი შედეგები
- 300-ზე მეტი ახალგაზრდა სამიზნე მუნიციპალიტეტებში გაეცნობა სოციალური მეწარმეობის არსს, მის მიზნებს და წარმატების ისტორიებს; ახალგაზრდობა მოტივირებული იქნება პროექტში მონაწილეობის მისაღებად.
- 180 ახალგაზრდა აითვისებს სამეწარმეო უნარებს და ისწავლის, თუ როგორ წარადგინოს იდეა; მონაწილეთა მინიმუმ 70% შეიმუშავებს ბიზნეს-მოდელებს ბიზნეს-ტრენერის/ინსტრუქტორის ხელმძღვანელობით.
- 30 ყველაზე ეფექტიანი სოციალური საწარმოს ბიზნეს მოდელს მხარს დაუჭერენ ბიზნეს-გრანტებით.
- შეიქმნება სოციალური მეწარმეობის სახელმძღვანელო.
- ჩამოყალიბდება 25 SKYE კლუბი ახალგაზრდების გაძლიერების მიზნით მოლდოვაში (5), სომხეთში (10) და საქართველოში(10).
განმახორციელებელი პარტნიორები
World Vision Armenia ბავშვთა დაცვის ფონდი (WVA CPF), IRIS Business Incubator Foundation (IRIS BI) (მდებარეობს სომხეთში), World Vision Georgia Foundation (WVGF) და MilleniuM (MM) Training and Development Institute (მდებარეობს მოლდოვაში).