ՍՔԱՅ ՆԵԹ՝ Հմտություններ եւ գիտելիքներ երիտասարդների զորեղացման համար

«ՍՔԱՅ ՆԵԹ՝ Հմտություններ եւ գիտելիքներ երիտասարդների զորեղացման համար» ծրագիրը  խթանում է երիտասարդների ակտիվ մասնակցությունը ինչպես ժողովրդավարական, այնպես էլ տնտեսական կյանքում՝ զորեղացնելով նրանց ձեռնարկատիրական եւ կարիերայի կառավարման հմտությունները։ Ծրագրի առանցքում անբարենպաստ պայմաններում գտնվող երիտասարդներն են: Այն նաեւ աջակցում է երիտասարդների կողմից ղեկավարվող սոցիալական ձեռնարկություններին, որոնք լուծում են համայնքային խնդիրները եւ գործում թվային տնտեսության ու դեպի կանաչ տնտեսության անցման ոլորտում Հայաստանում, Վրաստանում եւ Մոլդովայում:

Հարթակը կներգրավի այս երեք երկրների համապատասխան մասնավոր եւ պետական դերակատարներին, կրթական հաստատություններին եւ ներկայացուցչական երիտասարդական կազմակերպություններին:

Նպատակներ

Ծրագրի ընդհանուր նպատակն է ունենալ ձեռնարկատիրական եւ կարիերայի կառավարման հաջող փորձառության հնարավորություններ, ինչպես նաեւ բարելավել սոցիալական ձեռնարկությունների զարգացման նախադրյալները Հայաստանի, Վրաստանի եւ Մոլդովայի երիտասարդների համար։ Դրան կհաջողվի հասնել հետեւյալ հատուկ ենթանպատակների միջոցով.

• Հայաստանի, Վրաստանի եւ Մոլդովայի երիտասարդ փոփոխություն բերողները հզորացրել են իրենց հնարավորություններն ու կարողությունները՝ իրենց իսկ ազդեցիկ գաղափարները կայուն սոցիալական ձեռնարկությունների վերածելու համար:
• Երիտասարդների կողմից առաջնորդվող սոցիալական ձեռներեցությունը՝ կենտրոնացած կանաչ եւ թվային տնտեսությունների ոլորտում, արագորեն զարգանում է սոցիալական ձեռներեցության բիզնես մոդելների, անդրսահմանային ցանցի եւ գործարար միջավայրի բարելավման միջոցով:

Ակնկալվող արդյունքներ

• Թիրախային մարզերի ավելի քան 300 երիտասարդներ ծանոթացել են սոցիալական ձեռներեցության էությանը, նրա նպատակներին եւ հաջողված պատմություններին, երիտասարդները ոգեշնչված են մասնակցելու ծրագրի գործողություներին.
• 180 երիտասարդներ զարգացրել են իրենց ձեռներեցության հմտությունները եւ սովորել, թե ինչպես գաղափարի ներկայացում անել, մասնակիցների առնվազն 70%-ն էլ մշակել է բիզնես մոդելներ բիզնես քոուչի առաջնորդությամբ.
• 30 ամենամեծ ներգործություն ունեցող սոցիալական ձեռնարկությունների բիզնես մոդելները ստացել են աջակցություն ենթադրամաշնորհների տեսքով.
• Ստեղծվել է սոցիալական ձեռներեցության ձեռնարկ.
• Հիմնադրվել են 25 ՍՔԱՅ երիտասարդների զորեղացման ակումբներ Մոլդովայում (5), Հայաստանում (10) եւ Վրաստանում (10)։

Իրականացնող գործընկերներ

«Վորլդ Վիժն Հայաստան» երեխաների պաշտպանության հիմնադրամ,  ԻՐԻՍ բիզնես ինկուբատոր (Հայաստան), «Վորլդ Վիժն Վրաստան» հիմնադրամ եւ MilleniuM (MM) ուսուցման եւ զարգացման ինստիտուտ (Մոլդովա)։