2020 թվականի փետրվար ամսին EU4Digital-ի թիմն այցելել է Հայաստան և Ուկրաինա՝ օրակարգում ունենալով միջազգային ռոումինգին և կարգավորողների անկախությանը վերաբերող հարցեր: Հանդիպումներին մասնակցում էին տեղի հիմնական շահագրգիռ կողմերը, այդ թվում՝ ազգային կարգավորող մարմինների, ԵՄ համապատասխան պատվիրակությունների, նախարարությունների և բջջային օպերատորների ներկայացուցիչներ:

Նշված թիմը Հայաստանի մայրաքաղաք Երևան էր այցելել փետրվարի 11-ին, իսկ Ուկրաինայի մայրաքաղաք Կիև՝ փետրվարի 13-ից 14-ը:

Այցելությունների հիմնական նպատակն իրազեկվածության բարձրացումը, ինչպես նաև՝ Արևելյան գործընկերության էլեկտրոնային հաղորդակցության կարգավորողների ցանցի (EaPeReg) և ԱլԳ երկրների համատեղ աշխատանքի արդյունքների ու ձեռնարկվելիք հետագա քայլերի ներկայացումն էր:

Հանդիպումների ընթացքում EU4Digital-ի թիմը ներկայացրեց «EU4Digital» ծրագրի նախապատմությունը, միջազգային ռոումինգի և կարգավորողների անկախության ուղղությամբ գործողությունները, ինչպես նաև՝ յուրաքանչյուր գործողության ներկա կարգավիճակն ու հետագա քայլերը:

Առանձին ուղղություններով թեմաները ներառում էին.

Ռոումինգ

• ԵՄ և ԱլԳ ռոումինգի շուկաներում զարգացումների համառոտ ակնարկ.
• ռոումինգի թարմացված ուսումնասիրության բացահայտումներ.
• ռոումինգի հարցերով առաջավոր փորձի և ԱլԳ երկրների միջազգային պարտավորությունների համառոտ ակնարկ.
• տարածաշրջանային ռոումինգի համաձայնագրի (ՏՌՀ) նախագիծ:

Կարգավորողների անկախություն

• ԵՄ ազգային կարգավորող մարմինների առաջավոր փորձի համառոտ ակնարկ և ԵՄ համապատասխան կարգավորման շրջանակ.
• Ազգային կարգավորող մարմինների անկախության գնահատման մեթոդաբանության և գնահատման ենթակա ոլորտների համառոտ ակնարկ:

2020 թվականի կտրվածքով միջազգային ռոումինգի հետ կապված գործունեության վերջնական հանգրվանը տարածաշրջանային ռոումինգի համաձայնագրի ուղղությամբ աշխատանքների վերջնականացումն ու արդեն իսկ ստորագրված համաձայնագրի ուժի մեջ մտնելու գործընթացին աջակցություն ցուցաբերելն է:

Կարգավորողների անկախության մասով հիմնական անպատակը ազգային կարգավորող մարմինների անկախության ամրապնդումն է` նպատակ ունենալով այդպիսի մարմիններ ունենալ առնվազն 5 երկրներում: