«EU4Digital» ծրագրի թվային շուկաների ներդաշնակեցման հարցերով հայաստանյան համակարգողը կմասնակցի պանելային քննարկման, որը կազմակերպվելու է Համաշխարհային բանկի խմբի կողմից դեկտեմբերի 11-ին Հայաստանում անցկացվող «Հայաստանի տեխնոլոգիական ներուժի իրացում» խորագրով աշխատաժողովի շրջանակներում: Աշխատաժողովը կհամախմբի ՀՀ կառավարության տարբեր գերատեսչություններին և մասնավոր հատվածի, հիմնական ՏՏ ընկերությունների ու ասոցիացիաների ներկայացուցիչներին, ովքեր քաղաքական երկխոսություն և տեխնիկական քննարկումներ կծավալեն որոշակի գործողությունների շուրջ, որոնք կարող են օգնել արագացնել Հայաստանում բարձր տեխնոլոգիական հատվածների զարգացումը: