Şərq Tərəfdaşlığı və Avro-Aralıq dənizi regionu tənzimləyicilərinin görüşü keçirilib

  • Tarix: 18/10/21
  • Paylaş:

Sentyabrın 29-da Xorvatiyanın Dubrovnik şəhərində keçirilən BEREC-EaPeReg-EMERG-Regulatel Sammiti çərçivəsində Şərq Tərəfdaşlığı Elektron Rabitə Tənzimləyiciləri Şəbəkəsinin (EaPeReg) nümayəndələri Avropa Aralıq dənizi Tənzimləyicilər Qrupundan (EMERG) olan həmkarları ilə görüşüb. Tərəflər ümumi maraq kəsb edən bəzi məsələlərlə bağlı razılığa gəliblər.

Görüşün əsas məqsədi EaPeReg və EMERG arasında Anlaşma memorandumunun imzalanması olub. Anlaşma memorandumu bu sahələrin Avropa Tənzimləmə bazasına yaxınlaşdırılması ilə bağlı səyləri optimallaşdıracaq.

Bundan başqa, tərəflər aşağıdakı məsələlər üzrə razılığa gəliblər:

  • Ümumi maraq kəsb edən mövzulara dair təlimlərin təşkili.

Qabaqcıl təcrübə mübadiləsi və bağlantı və 5G texnologiyasına dair tənzimlənmələrlə bağlı təcrübə mübadiləsi, NGA/VHCN kimi yüksək tutumlu şəbəkələrin qurulmasını təşviq etmək, bazarlarda və xidmətlərdə rəqabəti gücləndirmək, həmçinin beynəlxalq rouminq və IMTR.