EU4Digital proqramı Şərq Tərəfdaşlığı (ŞT) ölkələrində elektron kommersiya sahəsi üzrə Aİ-nin əsas parametrlərini əks etdirən yenilənmiş hesabatını dərc edib. Hesabatda Avropa İttifaqında transsərhəd elektron kommersiya sahəsinin vəziyyəti haqqında ümumi məlumat verilir, o cümlədən Şərq Tərəfdaşlığı ölkələrində transsərhəd elektron kommersiyanın qiymətləndirilməsi məqsədilə etalon olaraq Aİ-nin qabaqcıl təcrübə və normaları təqdim olunub. Hesabatda üç əsas sahə təhlil edir: qanunvericilik bazası, standartlar və elektron kommersiya ekosistemi.

Rəqəmsal texnologiyalar sahəsindəki yeniliklər, gələcək layihələr və Şərq Tərəfdaşlığı üzrə siyasət proqramı haqqında daha ətraflı öyrənmək istəyirsiniz? EU4Digital təşəbbüsü Şərq Tərəfdaşlığı regionunda rəqəmsal transformasiya mövzusuna həsr olunmuş iki tədbir təşkil edir. Noyabrın 14-də Şərq Tərəfdaşlığı üzrə Rəqəmsallaşdırma Konfransında daha geniş müzakirələr üçün şərait yaradılacaq. Konfransda istənilən şəxs iştirak edə bilər. 2023-cü il noyabrın 15-də EU4Digital proqramının II mərhələsinin Koordinasiya komitəsinin dəvət olunmuş üzvləri üçün regional EU4Digital təşəbbüsünü və layihələri müzakirə etmək məqsədilə görüş keçiriləcək.

Şərq Tərəfdaşlığı (ŞT) regionunda innovasiyalar və startap inkubatorları ekosisteminin səmərəliliyini artırmaq və inkişafını gücləndirmək üçün EU4Digital proqramı əsas prioritetləri müəyyən edərək iki tədbir zamanı onları bölüşüb. Onlayn formatda keçirilən məlumatlandırma sessiyaları Şərq Tərəfdaşlığı ölkələrində startap ekosisteminin fəaliyyət göstəricilərinin, boşluqların və ehtiyacların intensiv tədqiqi ilə yekunlaşıb. Yeni hesabatda bunlar haqqında ətraflı məlumat və tövsiyələr yer alıb. Sözügedən iki tədbirin iştirakçıları regionun ekosistem iştirakçılarını dinləyib və tədqiqatın əsas nəticələri haqqında məlumat alıblar. Şərq Tərəfdaşlığı ölkələri ekosistem qurucularının səlahiyyətlərinin artırılmasına və inkubatorların potensialının artırılmasını prioritet məsələ olaraq gündəmdə saxlamalıdırlar.

Azərbaycan, Ermənistan, Gürcüstan, Moldova və Ukrayna startapları Fransa və Şərq Tərəfdaşlığı (ŞT) innovasiyalar ekosisteminin nümayəndələri ilə "Startup körpüsü: Şərqlə Qərbin qovuşması" adlı tədbirdə bir araya gəliblər. EU4Digital proqramı tədbiri Expertise France ilə birgə təşkil edib. 16 iyun 2023-cü ildə Paris şəhərində keçirilən şəbəkə tədbirini həm startaplar, həm də kiçik və orta sahibkarlıq müəssisələri (KOB-lar) üçün dəyər yaradan innovasiya sürətləndiricisi olan Wilco tərəfindən təşkil olunub.

Şərq Tərəfdaşlığı (ŞT) ölkələrində rəqəmsal transformasiya haqqında xəbərlər, resurslar və digər informasiya axtarışındasınız? O zaman EU4Digital proqramının yenidən istifadəyə verilmiş https://eufordigital.eu/az/ veb-saytını ziyarət edin! Yenilənmiş səhifəsində EU4Digital proqramı özünün geniş rəqəmsal icması üçün günün tələblərinə cavab verən məzmun və təkmilləşdirilmiş istifadəçi təcrübəsi təklif edir.

18 may 2023-cü il tarixində EU4Digital proqramının Elektron səhiyyə şəbəkəsi transsərhəd elektron səhiyyə xidmətlərinin sınaqdan keçirilməsi üçün ideyaların yaradılmasına yönəlmiş virtual tədbir keçirib. Bu, 2023-cu ildə əməkdaşlığın gücləndirilməsi üçün keçirilməsi planlaşdırılan bir sıra tədbirdən ikinci belə virtual görüş olmaqla Şərq Tərəfdaşlığı ölkələrində elektron səhiyyənin inkişafı üçün konstruktiv əməkdaşlığın əsasını qoyub.

EU4Digital proqramının Rəqəmsal İqtisadiyyat və Cəmiyyət İndeksi (DESI) çərçivəsindəki sürətləndirici layihəsi 2023-cü il mayın sonunda icra olunmağa başlayıb. DESI Sürətləndiricisinə dair birgünlük açılış tədbiri bu fəaliyyətə, onun faydaları və Şərq Tərəfdaşlığı (ŞT) ölkələrində DESİ-nin tətbiqinə dair planlar haqqında məlumatlılığı artırmağa yönəlib.

Avropa İttifaqının və Moldova Respublikasının rabitə operatorları bu iki region arasında səyahət edən sahibkarlar və vətəndaşlar üçün rouminq tariflərinin aşağı salınması haqqında birgə bəyannamə imzalayıblar. Avropa Komissiyası və Moldovanın səlahiyyətli orqanları 31 may 2023-cü il tarixində dərc edilmiş və uzunmüddətli rouminq sazişinin təmin edilməsi və Moldovanı Aİ-nin Vahid Bazarına yaxınlaşdırmaq kimi ümumi məqsədi əks etdirən könüllü bəyannamənin imzalanmasına şərait yaradıb. Aİ EU4Digital təşəbbüsü vasitəsilə bu prosesi, həmçinin Moldovanın Aİ-nin rouminq sisteminə inteqrasiyasını dəstəkləyir.

EU4Digital proqramı Şərq Tərəfdaşlığı ölkələri arasından Azərbaycanı, Ukrayna və Moldovanı seçərək bu ölkələr üçün yükdaşımalarına dair məlumatların elektron mübadiləsinin (eFTI) tətbiqi üzrə fərdi yol xəritələri hazırlayacaq. 2025-ci ilin dekabrında qüvvəyə minəcək Avropa İttifaqının eFTI Reqlamentinə uyğun olaraq yol xəritələri hazırlanacaq. Bu, xəritələr yükgöndərənlər, daşıyıcılar, səlahiyyətli orqanlar və malların daşınmasında iştirak edən digər maraqlı tərəflər arasında məlumat mübadiləsini sadələşdirəcək və rəqəmsallaşdıracaq. Şərq Tərəfdaşlığı ölkələrində eFTI-yə bənzər yanaşmanın tətbiqi onların Aİ-nin eFTI ekosisteminə inteqrasiyasına kömək edəcək və bu ölkələrin səlahiyyətli orqanlarına və bu sahədə çalışan şirkətlərinə fayda verəcək.

EU4Digital proqramının Telekommunikasiya qaydaları şəbəkəsinin nümayəndələri Şərq Tərəfdaşlığı Şərq Tərəfdaşlığı Elektron Rabitə Tənzimləyiciləri Şəbəkəsinin (EaPeReg) Müstəqil Tənzimləyicilər və Genişzolaqlı Rabitə üzrə Mütəxəssis İşçi Qrupunun (IRB EWG) 14-cü iclasında iştirak ediblər. 10-11 may 2023-cü il tarixlərində keçirilən iclas genişzolaqlı şəbəkənin inkişafı məsələləri və ŞT regionunda müstəqil Milli Tənzimləyici Səlahiyyətli Orqanların (NRAs) modelinin yaradılmasına həsr olunub.

Şəbəkə tədbirində Azərbaycan, Ermənistan, Gürcüstan, Moldova və Ukraynadan olan ən perspektivli startaplara və ekosistemin digər nümayəndələrinə siz də qoşulun. "Startap körpüsü: Şərqlə Qərbin qovuşması" adlı tədbir EU4Digital və "Expertise France" tərəfindən Şərq Tərəfdaşlığı (ŞT) regionu startap ekosistemində inkişaf və tərəfdaşlıq naminə startapları Fransanın mötəbər investorları və sürətləndiricilərini bir araya gətirəcək.

2023-cü il mayın 3-də Elektron etimad şəbəkəsinin təşkil etdiyi virtual tədbirdə elektron identifikasiya (eID) və etimad xidmətləri sahəsində görülən işlər və gələcək fəaliyyətlər diqqət mərkəzində olub. EU4Digital proqramı Şərq Tərəfdaşlığı ölkələrində elektron etimad və transsərhəd rəqəmsal xidmətlər üzrə fəaliyyətlərə həsr olunmuş tədbir keçirib. Tədbirə Azərbaycan, Ermənistan, Gürcüstan, Moldova və Ukraynadan nümayəndələr qatılıblar.