Справаздача аб перадавым досведзе развіцця прыватных сетак 5G у ЕС даступна для пампавання

У межах напрамку дзейнасці Нормы тэлекамунікацыйнага сектара спецыялісты праекта EU4Digital падрыхтавалі справаздачу аб перадавым досведзе развіцця ў ЕС прыватных сетак 5G. Асноўная задача справаздачы – разгледзець варыянты выкарыстання прыватных сетак 5G у бізнесе і перадаць досвед размеркавання частот, набыты дзяржавамі-членамі ЕС.

Узнікненне прыватных сетак 5G дае магчымасць злучыць мільёны прылад па ўсім свеце і ажыццявіць перспектыўныя праекты ў розных галінах, пачынаючы ад атрымання дыягнастычных даных у рэальным часе ў сферы аховы здароўя і канчаючы інтэлектуальным кіраваннем у сферы энергетыкі, транспарту, водазабеспячэння і ўтылізацыі адкідаў.

У справаздачы разглядаюцца прыклады пераваг, якія прыватная сетка 5G можа прынесці, паміж іншых, аўтамабільнай прамысловасці і сферы вытворчасці прамысловых тавараў. Аўтамабілебудаўнічыя кампаніі імкнуцца выкарыстоўваць высакахуткасную сувязь 5G з нізкай затрымкай, каб павысіць прадукцыйнасць і скараціць час прастою дзякуючы маніторынгу ў рэальным часе, а кампаніі, што вырабляюць прамысловыя тавары, злучаюць лакальныя прамысловыя прылады і выкарыстоўваюць інтэрнэт рэчаў і ШІ, каб павысіць хуткасць і надзейнасць сетак, палепшыць якасць прадукцыі і зрабіць працоўную прастору больш бяспечнай. Абапіраючыся на вынікі справаздачы і даныя Усходніх краін-партнёраў, EU4Digital вызначыць для кожнай краіны прыярытэты і ініцыятывы для развіцця прыватных сетак 5G.

Справаздачу можна спампаваць у нашай Бібліятэцы.

Каб даведацца больш пра дзейнасць EU4Digital у вобласці Норм тэлекамунікацыйнага сектара, завітайце на нашу старонку «Даведка» і глядзіце кароткае відэа «Гэта Нормы тэлекамунікацыйнага сектара», размешчанае ў «Бібліятэцы».