Відавочна, што інавацыі ў сферы ІКТ жыццёва важныя для эканамічнага развіцця ў лічбавую эпоху. Наколькі добра інавацыйныя экасістэмы Усходніх краін-партнёраў адпавядаюць гэтаму крытэрыю ў параўнанні з Еўрапейскім саюзам?

За апошнія гады Усходнія краіны-партнёры значна прасунуліся ў будаўніцтве інавацыйных экасістэм; з’явілася шмат арганізацый, акселератараў і стартапаў, а таксам праграм падтрымкі бізнесу. Але ўсё ж такі дзеячы экасістэмы не здольныя ў поўнай меры задаволіць патрэбнасці стартапаў і малых і сярэдніх прадпрыемстваў (МСП), якія нястрымна растуць. Недахоп рэсурсаў для пашырэння экасістэмы і спецыялізацыі дзеячаў, што падтрымліваюць інавацыі, у краінах УП перашкаджае іх устойліваму развіццю і росту эфектыўнасці экасістэмы. Дзеля параўнання: развіццё экасістэмы праходзіла хутчэй у краінах ЕС, якія атрымалі ў спадчыну моцную сістэму падтрымкі бізнесу і багатыя рэсурсы для будаўніцтва экасістэмы ў адпаведнасці з патрэбнасцямі рынку, што пастаянна растуць.

Падчас Фазы I у межах тэматычнай вобласці Інавацыі ў сферы ІКТ праект EU4Digital правёў маркетынгавае даследаванне, параўнаўшы эфектыўнасць экасістэм стартапаў у розных краінах. Яно паказала, што ва Усходніх краінах-партнёрах каэфіцыент канверсіі паміж стадыямі развіцця стартапаў быў на 70% ніжэй, чым у Цэнтральнай і Усходняй Еўропе. Каб павысіць эфектыўнасць, падчас Фазы II ініцыятыва EU4Digital займаецца вызначэннем прабелаў у экасістэмах стартапаў і інавацый Усходніх краін-партнёраў, распрацоўваючы мэтавыя стратэгіі для прыняцця мер і даючы платформу для картаграфавання працэсу развіцця экасістэмы і распрацоўкі палітыкі на падставе даных. Ініцыятыва імкнецца да развіцця надзейнай і ўсёахопнай экасістэмы інавацый у сферы ІКТ, тлумачачы важнасць ролі будаўнікоў экасістэмы і партнёрстваў паміж дзяржаўным і прыватным сектарам і павышаючы патэнцыял высокаэфектыўных праграм інкубацыі, якія даюць доступ да ведаў, рынкаў, капіталу і іншых аперацыйных рэсурсаў.