Тэматычная вобласць Электронны гандаль праекта EU4Digital спрыяе наладжванню трансгранічнага супрацоўніцтва. У першую чаргу неабходна ўладкаваць такія кампаненты электроннага гандлю, як лічбавыя мытныя паслугі (eCustoms), электронная лагістыка (eLogistics) і электронная камерцыя (eCommerce) пры дапамозе наступных дзеянняў:

• Пілотны праект eCustoms – сістэматычны і аўтаматычны абмен мытнай інфармацыяй з выкарыстаннем надзейнага канала, які дазваляе ўжываць спецыялізаванае праграмнае забеспячэнне для хуткага перасячэння межаў і больш эфектыўнага кіравання рызыкамі.
• Лічбавы транспартны калідор (укараненне eFTI) – распрацоўка плана дзеянняў для наладжвання абмену электроннай інфармацыяй аб грузаперавозках (eFTI) па фізічных транспартных калідорах (аўтамабільных дарогах, чыгунцы, унутраных водных шляхах) у адпаведнасці са стандартамі ЕС, якія змешчаны ў Рэгламенце eFTI і ўступяць у сілу ў 2026 годзе.
• Акселератар eCommerce –
  • Напрамак 1: паўторная ацэнка стану сферы электроннай камерцыі – аналіз заканадаўства, стандартаў і агульных змяненняў у галіне электроннай камерцыі ва Усходніх краінах-партнёрах з 2020 года.
  • Напрамак 2: пілотны праект eCommerce: нацыянальны акаўнт-павільён – пілотны праект па стварэнні «нацыянальных акаўнтаў-павільёнаў», што належаць дзяржавам, на асноўных электронных пляцоўках ЕС, каб прадаўцы маглі прадаваць тавары мясцовага вырабу на абраных гандлёвых пляцоўках без дадатковай рэгістрацыі, дакументаў і выканання іншых патрабаванняў гандлёвых пляцовак.
  • Напрамак 3 – кансультацыйны цэнтр па пытаннях электроннай камерцыі: навучанне вядзенню электроннай камерцыйнай дзейнасці і індывідуальныя кансультацыі для малых и сярэдніх прадпрыемстваў (МСП), каб дапамагчы ім пачаць прадаваць тавары на абраных гандлёвых пляцоўках.
• Нэтворкінг – прыцягненне зацікаўленых бакоў з Усходніх краін-партнёраў да наладжвання сувязей і абмену інфармацыяй аб тэндэнцыях, мерапрыемствах і стане спраў у сферы электроннага гандлю з калегамі з ЕС.