Home / Stay Informed /
Ի՞նչ է անում EU4Digital-ը ԱլԳ տարածաշրջանում էլեկտրոնային առեւտուրը խթանելու համար
Date: 24/04/20
«EU4Digital» ծրագրի «Էլեկտրոնային առեւտուր» թեմատիկ ուղղությունն աջակցում է անդրսահմանային համագործակցությանը զարկ տալուն: Հիմնական ուշադրությունն ուղղվում է էլեկտրոնային մաքսային ծառայությունների, էլեկտրոնային լոգիստիկայի եւ էլեկտրոնային կոմերցիայի ոլորտներում էլեկտրոնային առեւտրի ներդաշնակեցմանը՝ հետեւյալ գործողությունների միջոցով.
- Էլեկտրոնային մաքսային ծառայությունների (eCustoms) պիլոտավորում – անվտանգ ճանապարհով մաքսային տեղեկատվության համակարգված եւ ավտոմատացված փոխանակում, որը հնարավորություն է տալիս հատուկ ծրագրային ապահովման օգտագործման միջոցով ավելի արագ հատել սահմանները եւ ավելի լավ կառավարել ռիսկերը:
- Թվային տրանսպորտային միջանցք (eFTI-ի տեղակայում) – ֆիզիկական տրանսպորտային միջանցքներով (ճանապարհային, երկաթուղային, ներքին ջրային) բեռնափոխադրումների մասին տեղեկատվության էլեկտրոնային փոխանակման (eFTI) գործողությունների ծրագրի ստեղծում՝ համաձայն 2026 թվականին eFTI կանոնակարգով ուժի մեջ մտնող ԵՄ ստանդարտների։
- Էլեկտրոնային կոմերցիայի աքսելերատոր –
- Ուղղություն 1. էլեկտրոնային կոմերցիայի կարգավիճակի վերագնահատում – 2020 թվականից ի վեր ԱլԳ երկրներում արձանագրված օրենսդրության, ստանդարտների եւ ընդհանուր էլեկտրոնային կոմերցիայի էկոհամակարգի փոփոխությունների գնահատում:
- Ուղղություն 2. էլեկտրոնային կոմերցիայի պիլոտավորում – ԵՄ էլեկտրոնային կոմերցիայի առեւտրային հարթակներում պետական սեփականությամբ ազգային տաղավարային օգտահաշիվների ստեղծման պիլոտային ծրագիր, որից հետո վաճառողները կսկսեն վաճառել տեղական արտադրանքը ընտրված շուկաներում՝ առանց հետագա գրանցման, փաստաթղթավորման կամ առեւտրային հարթակների կողմից այլ պահանջների:
- Ուղղություն 3. էլեկտրոնային կոմերցիայի խորհրդատվական կենտրոն – էլեկտրոնային կոմերցիայի ուսուցում եւ անհատական խորհրդատվական հանդիպումներ փոքր եւ միջին ձեռնարկությունների (ՓՄՁ) համար՝ օգնելու նրանց սկսել վաճառել ընտրված առեւտրային հարթակներում։
- Գործնական կապերի զարգացում – ԱլԳ երկրների շահագրգիռ կողմերի ներգրավմամբ գործնական կապերի ստեղծում եւ ԵՄ գործընկերների հետ էլեկտրոնային առեւտրի միտումների, գործողությունների եւ ոլորտում առկա վիճակի մասին տեղեկատվության փոխանակում:
- Էլեկտրոնային առևտուր
