Што перашкаджае развіццю электроннай камерцыі, і як EU4Digital дапамагае з гэтым справіцца?

У той час калі ЕС з’яўляецца адзіным рынкам, дзе магчымы свабодны абмен таварамі і паслугамі паміж дзяржавамі-членамі, паміж ЕС і Усходнімі краінамі-партнёрамі абмен таварамі і паслугамі ўскладняецца з-за розніцы ў заканадаўстве, стандартах і экасістэме электроннай камерцыі.

 У межах тэматычнай вобласці Электронны гандаль праекта EU4Digital рыхтуецца справаздача аб электроннай камерцыі дзеля таго, каб:

• пазбавіцца ад перашкод для трансгранічнай электроннай камерцыі; 
• павялічыць аб’ём трансгранічных аперацый у сферы электроннай камерцыі; 
• садзейнічаць выкананню МСП Пакета правілаў выплаты ПДВ у сферы электроннай камерцыі і патрабаванняў Сістэмы кантролю імпарту 2.

Арганізуючы кансультацыйны цэнтр па пытаннях электроннай камерцыі, які з’яўляецца часткай акселератара eCommerce, EU4Digital дапамагае малым і сярэднім прадпрыемствам (МСП) пераадолець цяжкасці з продажам тавараў на гандлёвых пляцоўках ЕС. У гэтым цэнтры можна атрымаць практычныя парады ад каманды спецыялістаў, якія спрашчаюць МСП выбар найбольш зручнай пляцоўкі для продажу, стварэнне акаўнта і спіса тавараў, адказваюць на юрыдычныя і падатковыя пытанні і дапамагаюць распрацаваць стратэгію лічбавага маркетынгу.

Дапаўняе працу з камандай спецыялістаў пілотны праект па стварэнні нацыянальных акаўнтаў-павільёнаў, што належаць дзяржавам, у Арменіі і Украіне, праз якія мясцовыя МСП могуць пачаць прадаваць свае тавары ў Еўропе, паралельна знаёмячыся з перадавым досведам у сферы электроннай камерцыі на ўласнай практыцы.