Home / Stay Informed /
რა სახის ბარიერები აფერხებს ელ-კომერციას და დახმარების რა ზომებს მიმართავს პროგრამა EU4Digital?
Date: 24/04/20
მიუხედავად იმისა, რომ ევროკავშირი ერთიანი ბაზარია, რომელიც იძლევა საქონლის და სერვისების თავისუფლად გაცვლის საშუალებას მის წევრ სახელმწიფოებს შორის, საქონლის და სერვისების მარტივად გაცვლა ევროკავშირსა და აღმოსავლეთ პარტნიორობის ქვეყნებს შორის შეუძლებელია ელ-კომერციის კანონმდებლობაში, სტანდარტებსა და ეკოსისტემაში განსხვავებების არსებობის გამო.
პროგრამის EU4Digital ელ-ვაჭრობის თემატური სფეროს ელ-კომერციის ანგარიშის მიზანია:
- ბარიერების აღმოფხვრა სახელმწიფოთაშორისი ელ-კომერციისთვის;
- სახელმწიფოთაშორისი ელ-კომერციის მოცულობის ზრდის სტიმულირება;
- მცირე და საშუალო საწარმოების მხარდაჭერა ევროკავშირის დღგ-ს ელ-კომერციის პაკეტის და იმპორტის კონტროლის სისტემა 2–ის პირობების დაკმაყოფილებაში.
ელ-კომერციის საკონსულტაციო ცენტრის საშუალებით, რომელიც ელ-კომერციის აქსელერატორის ნაწილია, პროგრამა EU4Digital ეხმარება მცირე და საშუალო საწარმოებს წინააღმდეგობების დაძლევაში ევროკავშირის ციფრული კომერციის პორტალებზე გაყიდვების დაწყებისას. ცენტრი უზრუნველყოფს პრაქტიკულ რეკომენდაციებს ექსპერტთა გუნდისგან, რომელიც ეხმარება მცირე და საშუალო საწარმოებს შეარჩიონ მაქსიმალურად შესაბამისი ციფრული კომერციის ვებსაიტი გაყიდვების დასაწყებად, ხელმძღვანელობენ მათ ანგარიშის და პროდუქციის ჩამონათვალის შექმნაში, საკანონმდებლო და გადასახადებთან დაკავშირებულ შეკითხვებზე პასუხების გაცემაში, და ეხმარებიან მათი ციფრული მარკეტინგის სტრატეგიას.
national pavilion account-ის საპილოტე პროექტი ავსებს ექსპერტთა გუნდის ამ შეთავაზებას სამთავრობო ანგარიშების შექმნით (სომხეთსა და უკრაინაში) რომლის საშუალებით ადგილობრივი მცირე და საშუალო საწარმოები შეძლებენ დაიწყონ საკუთარი პროდუქციის გაყიდვა ევროპაში, და ამავე დროს შეისწავლონ ელ-კომერციის საუკეთესო პრაქტიკა პრაქტიკული გამოცდილების საშუალებით.
- ელექტრონული ვაჭრობა
