5 сакавіка каманда EU4Digital па электроннай ахове здароўя арганізуе віртуальнае тэматычнае мерапрыемства для членаў Сеткі электроннай аховы здароўя з шасці Усходніх краін-партнёраў, каб абмеркаваць будучыя мерапрыемствы і паслухаць некалькіх абраных спікераў-спецыялістаў сферы   інтэлектуальнай аўтаматызацыі медыцынскай візуалізацыі і дыягностыкі. 

У першай частцы мерапрыемства каманда EU4Digital па электроннай ахове здароўя коратка пазнаёміць з запланаванымі мерапрыемствамі ў сферы электроннай аховы здароўя, каб узгадніць наступныя крокі з Сеткай электроннай аховы здароўя. Пасля абмеркавання з кароткай прэзентацыяй выступяць прадстаўнікі праекта EU4Digital EaP Connect, якія распавядуць аб сваёй працы ў сферы электроннай аховы здароўя.

У другой частцы мерапрыемства два запрошаныя спікеры зробяць прэзентацыю на тэму «Інтэлектуальная аўтаматызацыя медыцынскай візуалізацыі і дыягностыкі». 

• Спадар Аляксандр Голубеў, прадстаўнік Асацыяцыі навукова-адукацыйных сетак Малдовы, выступіць з дакладам на тэму «Хуткая адаптацыя інфраструктуры ННАС да ўсталявання сеткавага дадатку DICOM».
• Доктар Васіль Кавалёў, прадстаўнік Нацыянальнай акадэміі навук Беларусі, выступіць з дакладам на тэму «Заснаваныя на ШІ вылічальныя вэб-сэрвісы для аналізу медыцынскіх здымкаў».