EU4Digital-ը մեկնարկել է տվյալների կառավարման ռազմավարությունների մշակման գործողություն՝ համընդհանուր հասանելի տվյալների որակյալություն ապահովելու համար

Էլեկտրոնային ծառայությունների, տեղեկատվության փոխանակման, արհեստական բանականության օգտագործման եւ տարբեր ոլորտներում տվյալահեն որոշումների կայացման վերջին զարգացումները նշանակում են, որ հուսալի եւ մատչելի տվյալները կենսական նշանակություն ունեն: Արեւելյան գործընկերության տարածաշրջանում բարձրորակ եւ հեշտությամբ հասանելի հանրային տվյալների աճող պահանջարկին արձագանքելու համար «EU4Digital» ծրագիրը 2023 թվականի դեկտեմբերի 6-ին ձեռնամուխ եղավ իր նոր տվյալների կառավարման ռազմավարությունների մշակման գործողության իրականացմանը։

Նոր գործողությունն իրականացվում է էլեկտրոնային վստահության եւ միջսահմանային թվային ծառայությունների թեմատիկ ոլորտում EU4Digital-ի գործունեության շրջանակներում: Նպատակն է ստեղծել տվյալների կառավարման ռազմավարական շրջանակ եւ մշակել երկրներին հատուկ առաջարկություններ տվյալների կառավարման ոլորտում Արեւելյան գործընկերության երկրների ազգային ռազմավարությունների համար:

Մեկնարկային հանդիպման ընթացքում EU4Digital-ի թիմը ներկայացրեց նոր գործողության ծրագիրը, շրջանակը եւ նպատակները: Բացի այդ, ԵՄ-ի եւ գլոբալ տվյալների կառավարման ռազմավարությունների լավագույն փորձի վերլուծության նախնական արդյունքները հող նախապատրաստեցին տվյալների կառավարման ռազմավարություններում նախանշված ընդհանուր սկզբունքների եւ օգտագործման դեպքերի քննարկման համար։ Միջոցառման ընթացքում Արեւելյան գործընկերության երկրների ներկայացուցիչները Հայաստանից, Ադրբեջանից, Վրաստանից եւ Մոլդովայից կիսվեցին տվյալների կառավարման հետ կապված ընթացիկ ազգային նախաձեռնությունների վերաբերյալ իրենց պատկերացումներով։

Նոր գործողության առաջիկա փուլերում EU4Digital-ը կկենտրոնանա տվյալների կառավարման ռազմավարության շրջանակի նախագծման եւ Արեւելյան գործընկերության երկրներում տվյալների կառավարման պրակտիկաների արդիական վերլուծության նախաձեռնման վրա: Այն կներառի իրավական, տեխնիկական եւ կազմակերպչական ասպեկտները:

Գնահատումը հիմք կստեղծի Արեւելյան գործընկերության երկրներից յուրաքանչյուրում տվյալների կառավարման բացերի եւ բացակայող բաղադրիչների բացահայտման համար: Արդյունքների հիման վրա կմշակվեն երկրներին հատուկ առաջարկություններ՝ աջակցելու տվյալների կառավարման արդյունավետ պրակտիկաների ներդրմանը: Սա Արեւելյան գործընկերության երկրներին հնարավորություն կտա հաղթահարել տվյալների կառավարման մարտահրավերները թվային միջավայրում։

Լրացուցիչ տեղեկատվություն

Էլեկտրոնային վստահության եւ միջսահմանային թվային ծառայությունների թեմատիկ ոլորտում EU4Digital-ի գործունեության մասին իմացեք ավելին էլեկտրոնային վստահության վերաբերյալ մեր առցանց հարցուպատասխաններից։