Վարչական սպասարկման կենտրոններում (ՎՍԿ) հանրային ծառայությունների արդյունավետ մատուցումը եւ էլեկտրոնային ծառայությունների զարգացումը կարեւոր են ինչպես խոշոր քաղաքների, այնպես էլ գրոմադաների քաղաքացիների համար: Այս գործընթացն իրականացվում է «EGOV4UKRAINE» ծրագրի աջակցությամբ, որը ԵՄ կողմից ֆինանսավորվող «U-LEAD՝ Եվրոպայի հետ» ծրագրի մաս է կազմում։
EGOV4UKRAINE-ի հիմնական արդյունքներից են վարչական սպասարկման կենտրոնների համար նախատեսված «Vulyk» ժամանակակից տեղեկատվական համակարգի եւ «Trembita» համակարգի մշակումն ու ներդրումը։
«Vulyk»-ը ՎՍԿ-ներին օգնում է գործել ավելի արագ եւ արդյունավետ՝ ավտոմատացնելով ծառայությունների մատուցման գործընթացները եւ հնարավորություն տալով փաստաթղթերն ուղարկել էլեկտրոնային եղանակով: Հետագայում «Vulyk» օգտագործող ՎՍԿ-ները կկարողանան անհրաժեշտ տեղեկատվությունը ստանալ պետական ռեգիստրից «Trembita» համակարգի միջոցով՝ առանց քաղաքացիներից փաստաթղթեր կամ վկայականներ պահանջելու: Նախատեսվում է, որ մինչեւ 2020 թվականի ավարտը «Vulyk»-ը կներդրվի ավելի քան 400 ՎՍԿ-ներում։
«Trembita» համակարգն իշխանություններին թույլ է տալիս իրականացնել տվյալների վերօգտագործում եւ փոխանակում այլ իշխանությունների եւ ՎՍԿ-ների հետ: Արդյունքում, պետական մարմինները կարող են օպտիմալացնել իրենց աշխատանքը եւ նվազեցնել քաղաքացիներից ներկայումս պահանջվող թղթային վկայականների քանակը: Օրինակ՝ «eBaby» համալիր ծառայությունը հիմնված է «Trembita» համակարգի վրա: Ավելին, կառավարության աշխատանքային գործընթացներն ավելի թափանցիկ են լինելու։
Բացի այդ, «EGOV4UKRAINE» ծրագիրն իրականացրել է պետական ՏՏ համակարգերի աուդիտ՝ նախապատրաստելու պետական տվյալների բազաների ինտեգրումը «Trembita» համակարգին, ինչպես նաեւ վերապատրաստել է «Vuly’k» եւ «Trembit» ծրագրերի իրականացման գործընթացում ներգրավված ՏՏ մասնագետներին։
Իմացիր ավելին՝
https://www.facebook.com/egov4ukraine
https://ega.ee/project/u_lead/
Կապ
Հեռախոս՝ (+ 38) 063-164-35-50,
Հասցե՝ Բասեյնա փող. 21ա, գրասենյակ 6, Կիեւ 01004, Ուկրաինա
