քարտեր

EU4Digital-ը տեխնիկապես գործառնական անդրսահմանային էլեկտրոնային ստորագրությունների պիլոտային ծրագրեր է իրականացրել Ուկրաինայի, Մոլդովայի և Էստոնիայի միջև: Դրան հասնելու համար պիլոտային ծրագրին մասնակից երկրները նախ պետք է համաձայնության գային ընդհանուր սկզբունքների և ձևաչափերի շուրջ, ներառյալ ժամանակի դրոշմումը, վավերացման մեխանիզմները և վկայականի կարգավիճակի ստուգման բաղադրիչները: Առաջին հայացքից ընդհանուր սկզբունքները կարող են պարզ թվալ, սակայն գործնական տեսանկյունից դրանց տեխնիկական իրագործումը պահանջում էր համալիր համակարգված գործողություններ բազմաթիվ շահագրգիռ կողմերի ներգրավվածությամբ միջավայրում, որպեսզի տեխնիկապես գործառնական և փոխգործելի էլեկտրոնային ստորագրության լուծումը իրականություն դառնար տարբեր երկրներում։

Էլեկտրոնային ստորագրության պիլոտային ծրագիրը օգնեց նաև բացահայտել կարգավորման և տեխնիկական տեսանկյունից առկա բացերն ու խոչընդոտները՝ թույլ տալով գործնական առաջարկություններ մշակել պիլոտային երկրների համար: Այս տեսանկյունից, էլեկտրոնային ստորագրության պիլոտային ծրագրերը այդ երկրների համար ԱլԳ և ԵՄ երկրներում էլեկտրոնային նույնականացման և վստահության ծառայությունների միջավայրի ներդաշնակեցումը շարունակելու հիմք են ապահովել: Ավելին, ընդհանուր պրակտիկաներն ու առաջարկությունները հասանելի են դարձել բոլոր արևելյան գործընկեր երկրների կողմից համօգտագործման և ընդունման համար: