Վստահություն և անվտանգություն

Ի աջակցություն այս նպատակների՝ «EU4Digital. աջակցելով թվային տնտեսությանը և հասարակությանն Արևելյան գործընկերությունում» ծրագիրը՝

• կմշակի ու կիրագործի ԱլԳ տարածաշրջանում էլեկտրոնային նույնականացման փոխադարձ ճանաչման ճանապարհային քարտեզն ու ազգային գործողությունների ծրագրերը.
• կփորձարկի տարածաշրջանում փոխգործունակ միջսահմանային էլեկտրոնային ստորագրությունը.
• կմշակի միջսահմանային էլեկտրոնային ծառայությունների տարաշրջանային կառուցակարգ.
• կմշակի կիբերանվտանգության ուղեցույցների ստանդարտ փաթեթ ԱլԳ տարածաշրջանի համար

Ծրագիրն աջակցում է «EU4Digital» վստայության և անվտանգության ցանցի առաջնահերթություններին, այդ թվում.

Թվային վստահություն

• Էլեկտրոնային գործարքների համար էլեկտրոնային նույնականացման և վստահության ծառայությունների վերաբերյալ օրենսդրության մոտարկում ԵՄ չափանիշներին (eIDAS կանոնակարգ).
• Համապատասխան թվային ենթակառուցվածքների տեղակայում գործընկեր երկրներում.
• ԱլԳ տարածաշրջանում էլեկտրոնային նույնականացման փոխադարձ ճանաչման ճանապարհային քարտեզ.
• Փոխգործունակ միջսահմանային էլեկտրոնային ստորագրություն ԱլԳ-ի ու ԵՄ-ի միջև.
• Միջսահմանային էլեկտրոնային ծառայությունների տարածաշրջանային կառուցակարգ:

Կիբեռանվտանգություն

• Ազգային ճանապարհային քարտեզների մշակում և ազգային կիբերանվտանգության ռազմավարությունների իրագործում գործընկեր երկրներում.
• Համակարգչային արտակարգ իրավիճակների արձագանքման (CERT) թիմերի ստեղծում յուրաքանչյուր երկրում.
• ԱլԳ տարածաշրջանի համար կիբեռանվտանգության ուղեցույցների ստանդարտ փաթեթի մշակում:

«EU4Digital Cyber» ​​ծրագիրը, որը բաղկացած է երկու նախագծերից՝ «Կիբերանվտանգություն ԱՐԵՎԵԼՔ» և «Կիբերհանցագործություն», նույնպես կնպաստի ԱլԳ գործընկեր երկրների կիբեր դիմակայունության և քրեական արդարադատության արձագանքի բարելավմանը՝ կենտրոնանանալով երկու հիմնական բաղադրիչների վրա. կիբերանվտանգության բարձրացմանը և կիբերհարձակումների դեմ պատրաստվածությանն ուղղված տեխնիկական ու համագործակցային մեխանիզմների մշակում և կիբերհանցագործությունների դեմ պայքարի արդյունավետ շրջանակի լիարժեք ներդրում:

Թվային տնտեսության ոլոտում վստահության և անվտանգության զարգացմամբ, ԵՄ-ն դյուրացնում է էլեկտրոնային գործարքները բիզնեսների և քաղաքացիների համար՝ դրանք դարձնելով ավելի ապահով, ավելի արագ և ավելի մատչելի, ինչպես նաև նպաստում է հույժ կարևոր թվային ենթակառուցվածքների կայունությանն այնպիսի ոլորտներում, ինչպիսիք են՝ հեռահաղորդակցությունը, էներգետիկան, տրանսպորտը կամ բանկային գործը, ինչը հիմք է հանդիսանում ավելի ուժեղ, ավելի դինամիկ տնտեսության և սպառողների վստահության աճի համար: