Hər il keçirilən Tədqiqat və İnnovasiyaya dair Şərq Tərəfdaşlığı Konfransı

  • Tarix: 27/10/19
  • Paylaş:

Oktyabrın 21-də Moldovanın Təhsil, Mədəniyyət və Tədqiqatlar Nazirliyi tərəfindən 2020-ci ildən sonra Aİ və ŞT ölkələri arasında Tədqiqat və İnnovasiya sahəsində Əməkdaşlığa həsr olunmuş hər il təşkil edilən Şərq Tərəfdaşlığı (ŞT) Konfransı keçirilib. Tədbir Avropa İttifaqının Tədqiqat və İnnovasiya üzrə Baş Direktoratı və Qonşuluq Siyasəti və Genişlənmə Məsələləri üzrə Baş Direktoratı ilə birgə təşkil edilib.

Konfransda Moldova Respublikasının və Avropa Komissiyasının nazirləri və yüksək vəzifəli şəxsləri, həmçinin tədqiqat və innovasiyalara məsul olan 100-dən artıq səlahiyyətli nümayəndə və altı ŞT ölkəsində (Ermənistan, Azərbaycan, Belarus, Gürcüstan, Moldova və Ukrayna) fəaliyyət göstərən tədqiqatçılar, özəl sektorun və vətəndaş cəmiyyətinin nümayəndələri iştirak etmişdir.

Tədbirdə çıxış edən Moldova Təhsil, Mədəniyyət və Tədqiqatlar Naziri Liliana Nikolaesku-Onofrey Moldova Respublikasının tədqiqat və innovasiya sahəsindəki mühüm uğurlarını sadalamışdır. Buraya Moldova Respublikasının Avropa Tədqiqat Məkanına inteqrasiyası üzrə Milli Yol Xəritəsinin və 2020-2023-cü illəri əhatə edən Tədqiqat və İnnovasiya üzrə Milli Proqramının təsdiqlənməsi və Avropa İttifaqının Tədqiqat və İnnovasiyaya dair “Horizon 2020” Proqramına qoşulması daxildir. “Bizim yeni vəzifəmiz Tədqiqat və İnnovasiya üzrə növbəti proqram olan “Horizon Europe”-a qoşulmaqdır. Bu, Moldova Respublikasının Avropa Tədqiqat Məkanına daha da inteqrasiyası deməkdir” – deyə o, əlavə edib.

Avropa Komissiyasının Tədqiqat və İnnovasiya üzrə Baş Direktorunun müavini Sayn Ratso bildirmişdir ki, Avropa Tədqiqat Məkanı, açıq elm və açıq innovasiya prinsiplərinə, eləcə də ŞT ölkələrindəki sosial problemlərə həll yollarının tapılmasına yönəlmişdir. Avropa İttifaqının yeni Tədqiqat və İnnovasiya Proqramı, yəni “Horizon Europe”-in səhiyyə, qocalma, təhlükəsizlik, ətraf mühitin çirklənməsi və iqlim dəyişikliyi kimi mühüm qlobal problemlərin həll edilməsinə imkan yaradacaq elm və texnologiyaların gücləndirilməsinə töhfə verəcəyi gözlənilir. “ Üzləşdiyiniz problemlərdən xəbərdarıq, ancaq istək olarsa, çıxış yolunu tapmaq olar və Moldova Respublikasında belə bir istək var”.

Sözügedən konfransda ŞT ölkələrində tədqiqat və innovasiya sahəsində əldə olunan nailiyyətlər və yeniliklər, Aİ-nin tədqiqatçılar və qurumlar üçün proqramları və ŞT Tərəfdaş Ölkələrinin tədqiqat və innovasiya proqramlarının fəaliyyətləri diqqət mərkəzində olmuşdur.

Avropa İttifaqı özünün EU4Digital Təşəbbüsü vasitəsilə Aİ-nin qabaqcıl təcrübəsinə əsaslanaraq Şərq Tərəfdaşlığı regionu boyunca İKT sahəsində tədqiqatların, startap və innovasiya ekosistemlərinin inkişafına yönəlmiş islahatlara və fəaliyyətlərə dəstək verir.

Mətbuat üçün açıqlama