Şərq Tərəfdaşlığı (ŞT) ölkələrində fəaliyyət göstərən 70 innovasiya klasteri yə yeni yaranan klaster idarəetmə təşkilatlarından 85-ə yaxın nümayəndə 18 aprel 2024-cü il tarixində EU4Digital proqramının potensialın artırılması və şəbəkələrin qurulmasına dair tədbirində iştirak edib. EU4Digital proqramının İKT və innovasiyalar şəbəkəsi sözügedən proqramın aprel ayında icrasına başladığı innovasiya klasterlərinə dəstək ilə bağlı yeni fəaliyyətləri çərçivəsində təşkil edilən xüsusi təlimə Azərbaycan, Ermənistan, Gürcüstan, Moldova və Ukraynadan olan iştirakçılar qatılıb.

EU4Digital proqramının ekspertləri Aİ-nin qabaqcıl təcrübələrinə əsasən və proqramın Telekommunikasiya qaydaları şəbəkəsinin fəaliyyətləri çərçivəsində özəl 5G şəbəkələrinin inkişafına dair hesabat hazırlayıblar.

EU4Digital proqramı Ukrayna vətəndaşlarını və bu ölkədə fəaliyyət göstərən kiçik və orta ölçülü sahibkarlıq müəssisələrini (KOB-lar) yeni EU4Digital Akademiyası adlı rəqəmsal təhsil platformasında açılan ilk kursda iştirak etmək üçün qeydiyyatdan keçməyə dəvət edir. “Aİ-nin satış platformalarında elektron ticarət” mövzusuna həsr olunmuş və istifadəsi asan olan bu onlayn kurs elektron ticarət haqqında əvvəlcədən biliyi olmayan və ya yaşadığı ölkədə onlayn satışlarla məşğul olan, lakin Avropa İttifaqında (Aİ) da satışlar etmək istəyən şəxslər üçün nəzərdə tutulub.

EU4Digital proqramı Şərq Tərəfdaşlığı ölkələri üçün rəqəmsal bacarıqlar üzrə pulsuz və əlçatan təlimlərin təşkili üçün EU4Digital Akademiyası adlı rəqəmsal tədris proqramının icrasına başlayıb. EU4Digital Akademiyasında Şərq Tərəfdaşlığı ölkələri olan Azərbaycan, Ermənistan, Gürcüstan, Moldova və Ukrayna vətəndaşları və bu ölkələrdə fəaliyyət göstərən kiçik və orta sahibkarlıq müəssisələrinin (KOB-lar) ehtiyaclarına uyğunlaşdırılmış istifadəsi asan, veb əsaslı kurslar təşkil olunur.

Şərq Tərəfdaşlığı ölkəsində innovasiya klasterlərini idarə edən və ya sektoral və ya texnoloji müəssisələr və təhsil ocaqları arasında əməkdaşlıq təşəbbüslərini koordinasiya edən təşkilatın icraçı direktorusunuz? Klaster və ya potensial klasteri təmsil edirsinizsə, EU4Digital sizi pulsuz sertifikatlı onlayn təlim və qiymətləndirmədə iştirak etməyə dəvət edir. Qeydiyyat üçün son tarix 17 aprel 2024-cü ildir.

EU4Digital proqramı Şərq Tərəfdaşlığı (ŞT) regionunda innovasiya klasterlərini dəstəkləmək üçün yeni fəaliyyət proqramının icrasına başlayıb. Startaplar, kiçik və orta sahibkarlıq müəssisələri (KOB-lar), elmi-tədqiqat təşkilatları, qeyri-kommersiya təşkilatları və digər əlaqəli iqtisadi tərəflərdən ibarət bu koalisiyalar vasitəsilə innovasiyaları stimullaşdırmaq, bilikləri bölüşmək və əməkdaşlığı dəstəkləmək, eləcə də texnoloji və iqtisadi inkişafı təşviq etmək nəzərdə tutulur. EU4Digital proqramının innovasiya klasterlərinin dəstəklənməsinə yönəlmiş yeni fəaliyyəti, proqramın regional rəqəmsal bazarların uyğunlaşdırılması üzrə daha geniş məqsədlərinə uyğun olaraq Şərq Tərəfdaşlığı və Aİ ölkələrinin startap ekosistemlərini əlaqələndirən İKT və innovasiyaları tematik sahəsi çərçivəsində həyata keçirilir.

Aİ-nin 5G şəbəkəsinin təhlükəsizliyi ilə bağlı alətlər panelinin icrasına yönəlmiş fəaliyyətlərə başlamaq üçün EU4Digital proqramı bütün maraqlı tərəfləri 27 mart tarixində təşkil etdiyi onlayn seminara qatılmağa dəvət edir. EU4Digital proqramının Telekommunikasiya qaydaları şəbəkəsi Şərq Tərəfdaşlığı ölkələrinin telekommunikasiya üzrə milli tənzimləyici orqanları ilə əməkdaşlıq çərçivəsində yeni fəaliyyətə start verir.

24 yanvar 2024-cü il tarixində Avropa Komissiyası tərəfindən Süni İntellekt İdarəsi yaradılıb. Süni İntellekt İdarəsi Ümumi məqsədli Süni İntellekt (GPAİ) model və sistemlərinin istifadəsinə nəzarət edəcək.

Beynəlxalq Etibarlı Blokçeyn Tətbiqləri Assosiasiyası (INATBA) tərəfindən keçiriləcək Blokçeyn Horizons adlı akademik və elmi-tədqiqat forumu üçün qeydiyyata start verilib. Tədbirin 22 may 2024-cü il tarixində Almaniyanın Darmştadt şəhərində keçirilməsi planlaşdırılır. Elmi-tədqiqat işlərinin qəbulu üçün son tarix 28 fevraldır.

EU4Digital proqramı Rəqəmsal İqtisadiyyat və Cəmiyyət İndeksinin (DESI) Aİ metodologiyalarına uyğun olaraq məlumatların toplanmasının tətbiqini dəstəkləmək üçün “DESI göstəricilərinin Şərq Tərəfdaşlığı ölkələrində tətbiqinə dair tövsiyələr” adlı hesabat dərc edib.

Gənc Avropa Səfirləri (YEA) 13-14 yanvar 2024-cü il tarixlərində "Boşluğun aradan qaldırılması" hakatonunu təşkil etməyə kömək ediblər. Tədbirdə süni intellekt (AI) ilə əlaqəli ən böyük problemlərin aradan qaldırılmasına yönəlmiş texnoloji həllərin müzakirəsi və gələcəkdə tərtibatı ilə bağlı ideyaların irəli sürülməsi baş tutub. İştirakçılar süni intellektin demokratiya, təhsil, ətraf mühit və bütövlükdə cəmiyyətə təsirinə dair ideyalar irəli sürüblər.

Müxtəlif sektorlarda elektron xidmətlər, məlumat mübadiləsi, süni intellektdən istifadə və məlumatlara əsaslanan qərarların qəbulunda son yeniliklər etibarlı və əlçatan məlumatların mühüm əhəmiyyət daşıdığını göstərir. Şərq Tərəfdaşlığı (ŞT) regionunda yüksək keyfiyyətli və asanlıqla əldə edilən ictimai məlumatlara artan tələbatı ödəmək üçün EU4Digital proqramı 6 dekabr 2023-cü il tarixində məlumatların idarə edilməsi haqqında strategiyalar ilə bağlı fəaliyyətlərə start verib.