Сферы палітыкі

У рамках ініцыятывы EU4Digital Еўрапейскі cаюз падтрымлівае лічбавую эканоміку і грамадствы ў краінах Усходняга партнёрства, садзейнічаючы гарманізацыі лічбавых рынкаў у рэгіёне для прадастаўлення інтэграваных анлайн-паслуг грамадзянам, дзяржаўным адміністрацыям і прадпрыемствам.

Ключавы шлях дасягнення гэтай мэты — шэсць сетак EU4Digital, якія аб’ядноўваюць адказных асоб з краін-партнёраў і дзяржаў-членаў ЕС па канкрэтных галінах палітыкі. Сеткі былі створаныя на Міністэрскай сустрэчы Усходняга партнёрства па лічбавай супольнасці ў кастрычніку. Сеткі EU4Digital служаць платформамі для абмену перадавымі практыкамі і вопытам паміж усходнімі краінамі-партнёрамі і з ЕС, пашырэння ўзаемадзеяння і распрацоўкі сумесных праектаў і дарожных карт на перыяд 2017-2019 гадоў і надаюць асаблівую ўвагу канкрэтным і дасягальным вынікам, накіраваным на паляпшэнне ўзроўню жыцця насельніцтва і павышэнне канкурэнтаздольнасці бізнесу.

Тэлекамунікацыйная сетка

Сетка рэгулятараў электронных камунікацый Усходняга партнёрства (EaPeReg) з’яўляецца незалежнай платформай нацыянальных рэгулятыўных органаў для сетак і паслуг электронных камунікацый. У сетцы EaPeReg дзейнічае тры асноўныя рабочыя групы — рабочая група экспертаў па роўмінгу (REWG), рабочая група экспертаў па супастаўляльным аналізе (BEWG) і рабочая група экспертаў па радыёчастотным спектры (SEWG).

Асноўныя ўдзельнікі:

  • Міністэрствы, адказныя за: сувязь і інфармацыйныя тэхналогіі, высокія тэхналогіі, эканоміку і ўстойлівае развіццё.
  • Органы рэгулявання сетак і паслуг электроннай сувязі.

http://eapereg.org 

Сетка даверу і бяспекі

Сетка даверу і бяспекі акцэнтуе ўвагу на важнасці даверу для лічбавай эканомікі і кібербяспекі як сродку захавання адкрытасці інтэрнэту і анлайн-свабоды, а таксама на неабходных ключавых элементах узаемадзеяння трансмежных электронных урадавых паслуг. Падкрэсліваецца наступнае:

  • Паслугі па забеспячэнні надзейнасці (электронныя подпісы, электронныя продажы, электронныя пазнакі часу, электронныя зарэгістраваныя паслугі дастаўкі і аўтарызацыі карыстальнікаў вэб-сайта).
  • Кібербяспека для павышэння ўстойлівасці крытычнай інфраструктуры ў ключавых сектарах эканомікі.

Асноўныя ўдзельнікі:

  • Міністэрствы, адказныя за: сувязь і інфармацыйныя тэхналогіі, інфраструктуру, эканамічнае развіццё і такія дзяржаўныя паслугі, як транспарт.
  • Аддзелы, якія адказваюць за кібербяспеку, выведку, развіццё дзяржаўнай службы, электроннае кіраванне.

Сетка электроннага гандлю

Сетка электроннага гандлю займаецца лічбавымі аспектамі поўнага цыклу імпарту-экспарту. Яна ахоплівае некалькі аспектаў у гэтай сферы, уключаючы гандаль, мытню, лагістыку і трансгранічныя працэдуры. Асноўная ўвага надаецца электроннай ідэнтыфікацыі, лічбавым паслугам па забеспячэнні надзейнасці, сеткавай і інфармацыйнай бяспецы, а таксама кібербяспецы.

Асноўныя ўдзельнікі:

  • Міністэрствы, адказныя за: гандаль, даходы, эканамічнае развіццё і мытню.
  • Лічбавыя і ІТ урадавыя ўстановы / дэпартаменты, агенцтвы па абмене дадзенымі і ўстановы, звязаныя з кібербяспекай.

Сетка інавацый у галіне ІКТ 

Інавацыйная дзейнасць у галіне ІКТ накіравана на пашырэнне даследаванняў у галіне ІКТ, стартапаў і інавацыйных экасістэм ва ўсходніх краінах-партнёрах ЕС з улікам аналагічных намаганняў у ЕС у рамках Horizon 2020 і ініцыятывы Start-up Europe. Чакаецца, што гэтая праца пашырыць абмен перадавым досведам і трансмежныя інвестыцыі, адкрываючы стартапам з краін-партнёраў прасцейшы доступ да рынкаў ЕС і наадварот.

Асноўныя ўдзельнікі:

  • Міністэрства і ведамствы, адказныя за: камунікацыйныя і інфармацыйныя тэхналогіі, дзяржаўныя паслугі і сацыяльныя інавацыі.
  • Інавацыйныя агенцтвы, саветы прадпрымальнікаў у сферы ІКТ і навукова-тэхнічныя асацыяцыі/паркі.

Сетка электроннай аховы здароўя

Электронная ахова здароўя накіравана на выяўленне агульных для ўсходніх краін-партнёраў выклікаў і выпрацоўку рэгіянальных рэкамендацый па гарманізацыі ў галіне электроннай аховы здароўя, а таксама актыўнага і здаровага старэння.

Асноўныя ўдзельнікі:

  • Міністэрствы і ведамствы, адказныя за: ахову здароўя, працу і сацыяльныя пытанні. 
  • Іншыя ўдзельнікі ўключаюць у сябе рэгіянальныя ўстановы і арганізацыі, такія як страхавыя кампаніі, установы ў галіне электроннай аховы здароўя, навучальныя ўстановы, якія рыхтуюць спецыялістаў у галіне палітыкі і г. д.

Сетка лічбавых навыкаў 

Сетка лічбавых навыкаў накіравана на распрацоўку і рэалізацыю нацыянальных стратэгій лічбавых навыкаў ва ўсходніх краінах-партнёрах, у прыватнасці шляхам стварэння нацыянальных аб’яднанняў прафесіяналаў у лічбавай сферы, улічваючы досвед «Кааліцыі па лічбавых навыках і працоўных месцах» ЕС.

Асноўныя ўдзельнікі:

  • Міністэрствы адказныя за: адукацыю, працу і эканоміку.
  • Прадстаўнікі галіновых арганізацый / асацыяцый, дзяржаўных універсітэтаў і правайдэраў адукацыйных паслуг.