რატომ არის საჭირო აღმოსავლეთ პარტნიორობის საინფორმაციო და საკომუნიკაციო ტექნოლოგიური ინოვაციების სარეგულაციო ჩარჩოს გაუმჯობესება? უფრო მნიშვნელოვანი ხომ არ არის ინოვაციის მხარდაჭერა ადგილებზე?

ინოვაცია ხელშემწყობ გარემოს საჭიროებს. ეს მოიცავს წვდომას ცოდნაზე, რისკებისადმი მდგრად დაფინანსებაზე, ასევე შეცდომების დაშვების და ამ შეცდომებზე სწავლის შესაძლებლობას.

იმ სფეროებში, სადაც ბაზარს არ შეუძლია ნოვატორების საჭიროებების მოგვარება, აუცილებელია მხარდაჭერა სახელმწიფოს მხრიდან. სპეციალური საგადასახადო რეჟიმები მოტივაციას უქმნის სტარტაპებს და არსებულ ბიზნესს სიახლეების დასანერგად ეროვნული ეკონომიკის პრიორიტეტულ სფეროებში.

მეორე მაგალითია სარეგულაციო ჩარჩოს არსებობა ქრაუდფანდინგის, მეცენატი ინვესტორების და ვენჩურული კაპიტალის ოპერირებისთვის იმგვარად, რომ ამ ჩარჩომ დაიცვას როგორც ინვესტორები, ისე სტარტაპები. სარეგულაციო „ქვიშის ყუთები“ – კონტროლირებული გარემო ინოვაციების გამოცდისთვის – იქმნება იმის შესამოწმებლად, თუ როგორ შეიძლება ახალი ტექნოლოგიების, მაგ. ხელოვნური ინტელექტის და ბლოკჩეინის გამოყენება მომხმარებელთა საჭიროებების დასაკმაყოფილებლად ამავე მომხმარებლების რისკის ქვეშ დაყენების გარეშე.

საბაზისო ტერმინოლოგიის შეთანხმება და სწავლა ევროკავშირის საუკეთესო პრაქტიკიდან, ინსტრუმენტები და სარეგულაციო მიდგომები საშუალებას მისცემს აღმოსავლეთ პარტნიორობის რეგიონის და ევროკავშირის ქვეყნების ბიზნესს იმუშაონ ორივე მხარისთვის გასაგებ წესებზე და ხელი შეუწყონ რისკის შემცველი ინვესტიციების და ინოვაციების ნაკადს. პროგრამის EU4Digital I ფაზაში საინფორმაციო და საკომუნიკაციო ტექნოლოგიური ინოვაციების თემატურმა სფერომ შეიმუშავა პოლიტიკური რეკომენდაციები და სამოქმედო გეგმებისაინფორმაციო და საკომუნიკაციო ტექნოლოგიური ინოვაციების პოლიტიკის ხუთ სფეროში; ეს სფეროები პრიორიტეტულად აღმოსავლეთ პარტნიორობის ქვეყნებმა დასახეს. II ფაზაში პროგრამა შეიმუშავებს პოლიტიკურ რეკომენდაციებს, რათა ხელი შეუწყოს კონკრეტული ახალი ტექნოლოგიების (მაგ., ევროპული ხელოვნური ინტელექტის საკანონმდებლო ჩარჩო) გამოყენებას რეგიონში ევროკავშირის პოლიტიკის შესაბამისად.