Gürcüstan, Ermənistan və Moldovada aztəminatlı gənclərin rəqəmsal bacarıqlarının və karyera idarəçiliyi bacarıqlarının artırılması

Bu layihə Gürcüstan, Ermənistan, Moldova və Çex Respublikasından olan tərəfdaşları bir araya gətirir. Bu tərəfdaşlar təcrübələrini bölüşür və aztəminatlı ailələrdən olan gənclər üçün məşğulluq və şəxsi inkişaf imkanlarını artırır, o cümlədən məlumatlılığın artırılması, təlimlərin keçirilməsi, karyera məsləhətlərinin mövcud dəstəklənən rəqəmsal məşğulluq proqramlarına inteqrasiyası və rəqəmsal sahibkarlığın stimullaşdırılmasını həyata keçirirlər.

Layihə Gürcüstanda (Acarıstan, İmereti, Sameqrelo və Zemo Svaneti vilayətləri), Ermənistanda (Şirak, Lori və Tavuş bölgələri) və Moldovada (Kişinyov, Kahul və Unqeni bölgələri) həyata keçiriləcək.

Bu layihə xüsusilə təhsil və məşğulluq imkanları məhdud olan gəncləri əhatə edir və onların əmək bazarında və demokratik cəmiyyətdə iştirakını asanlaşdıracaq fəaliyyətlərə cəlb edilməsinə kömək edir. Bu fəaliyyətlər sayəsində aztəminatlı gənclərə keyfiyyətli və müvafiq xidmətlər göstərən rəsmi və qeyri-rəsmi karyera və rəqəmsal bacarıqların inkişafına yönəlmiş struktur və təşəbbüslər artacaq.

Sözügedən fəaliyyətlər bir sıra sahələri əhatə edir:

• Rəqəmsal sahələrdə karyera məsləhətlərini təmin etmək üçün mövcud hökumət və vətəndaş cəmiyyəti əsaslı məşğulluğa dəstək xidmətlərinin fəaliyyəti gücləndirilir.
• Aztəminatlı gənclərlə işləyən vətəndaş cəmiyyəti təşkilatlarının maddi-texniki bazası gücləndirilir və onlara təlimatlar verilir. Aztəminatlı gənclərlə yanaşı, fiziki imkanları məhdud gənclərlə, yaxud təhsil almayan, işləməyən və ta təlimdən keçməyənlərlə çalışan vətəndaş cəmiyyəti təşkilatlarına sözügedən hədəf qrupun məşğulluq imkanlarını təkmilləşdirmək üçün onların rəqəmsal texnologiyalarda ixtisaslarını artırmağa kömək edirlər.
• Şərq Tərəfdaşlığı ölkələrində vətəndaş cəmiyyəti təşkilatları, karyera məsləhəti təmin edən şirkətlər və gənclər arasında təcrübə mübadiləsinin dəstəklənməsi ilə rəqəmsallaşmanın imkanları və riskləri, kiberbullinq və dezinformasiyaya qarşı mübarizə vasitəsilə gənclərin demokratik və sosial-iqtisadi həyatda iştirakının gücləndirilməsi.

Layihə nəticəsində fiziki imkanları məhdud gənclər və təhsil almayan, işləməyən və ta təlimdən keçməyən şəxslər daxil olmaqla azı 720 aztəminatlı gənc rəqəmsal texnologiyalar sahəsində karyera məsləhət xidmətləri və rəqəmsal bacarıqların inkişafı, məlumatlılığın artırılması və şəbəkələşmə vasitəsilə rəqəmsal bacarıqlarını təkmilləşdirəcəklər.

Bundan əlavə, 75 karyera məsləhəti xidmətləri aztəminatlı gənclərə keyfiyyətli karyera məsləhəti xidmətləri göstərmək üçün bacarıqlarını inkişaf etdirəcək. Bundan əlavə, üç Şərq Tərəfdaşlığı ölkəsindən azı 18 vətəndaş cəmiyyəti təşkilatı rəqəmsal texnologiyalar sahəsində karyera məsləhət xidmətləri və rəqəmsal bacarıqların artırılması sahəsində öz potensialını artıra biləcək.