Што такое электронная мытня і якая ад яе карысць?

  • Дата: 24/04/20
  • Падзяліцца:

Электронная мытня датычыцца сістэматычнага і аўтаматычнага абмену мытнай інфармацыяй (напрыклад, абмен інфармацыяй перад уездам, ацэнка рызыкі, адпаведнасць дадзеных, вынікі мытнага кантролю) паміж лагістычнымі кампаніямі і мытнымі органамі.

Калі лагістычныя кампаніі перавозяць тавары праз граніцы і ўзаемадзейнічаюць з мытнымі службамі, яны сутыкаюцца з затрымкамі, выказанымі нястачай аўтаматызацыі і адсутнасцю своечасовай камунікацыі з мытнымі службамі. У выніку гэтага канчатковыя пакупнікі таксама сутыкаюцца з затрымкамі даставак сваіх пакупак. Так адбываецца таму, што:

  • Мытная інфармацыя не была атрымана своечасова, што вядзе да неэфектыўнага кіравання рызыкай, звязанай з аховай і бяспекай, для мытні і прадпрыемства;
  • Не наладжана аўтаматычная адпаведнасць дадзеных (напрыклад, адпаведнасць дадзеных, калі інфармацыя ў дэкларацыі ў краіне адпраўлення такая ж самая, як у краіне прыбыцця);
  • Адсутнічае абмен інфармацыяй перад уездам (напрыклад, калі груз прыбывае на пункт пропуску, перавозчык павінен чакаць завяршэння ацэнкі рызыкі, перш чым перасячы граніцу).

Дзейнасць электроннай мытні дапамагае вырашыць гэтыя праблемы праз забеспячэнне прадпрыемстваў і ўрадаў неабходнымі мадэлямі супрацоўніцтва (напрыклад, працэсамі супрацоўніцтва, камунікацыйнымі сістэмамі), што дазволіць ажыццяўляць эфектыўны абмен інфармацыяй. Электронная мытня дапаможа аптымізаваць узаемадзеянне з мытнымі службамі і паменшыць гандлёвыя выдаткі кампаній, а таксама хутчэй дастаўляць тавары і аказваць паслугі.

Ініцыятыва EU4Digital прааналізавала існуючыя рашэнні і іх прыдатнасць для рэгіёна і запыніла свой выбар на рашэнні SEED (Сістэматычны абмен электроннымі дадзенымі) для пілотнага праекту электроннай мытні. Рашэнне SEED было ўведзена мытнымі ўпраўленнямі ўсходнебалканскіх краін. Яно фінансуецца ЕС і прапануе:

  • Даказаную бяспечнасць
  • Стандарты дадзеных
  • Простае прыстасаванне да нацыянальных сістэм
  • Гнуткасць адносна функцыянальнасці і патрабаванняў да абмену наборамі дадзеных.

На Заходніх Балканах SEED дазволіла вырашыць наступныя праблемы:

  • Заніжэнне кошту праз падмену рахункаў-фактур і змяншэнне мытнага кошту пры ўвозе
  • Падробка дакументаў, што пацвярджаюць выезд гружаных цяжкагрузаў (парушэнні, звязаныя з вяртаннем ПДВ)
  • Парушэнні, звязаныя з (няправільным) выкарыстаннем транспартных дакументаў (напрыклад, карнетаў ATA)
  • Выяўленне сур’ёзных мытных правапарушэнняў, як, напрыклад, незаконны ўвоз тытуню і наркотыкаў.

Задача пілотнага праекта – забяспечыць абмен электроннымі мытнымі дадзенымі паміж мытнымі органамі краін Усходняга партнёрства і краін-членаў ЕС. На першым этапе будзе праведзена тэсціраванне пачатковых (лімітаваных) функцый і набораў дадзеных.

Усяго плануецца два пілотных праекты электроннай дастаўкі: адзін паміж краінай Усходняга партнёрства і краінай ЕС – Беларуссю і Літвой – і другі паміж дзвюма ўсходнімі краінамі-партнёрамі, якія яшчэ трэба вызначыць.

Пілотны праект дапаможа сабраць заўвагі, каб палепшыць працэс абмену мытнымі дадзенымі паміж мытнымі органамі і аптымізаваць мытны кантроль, ацэнку рызыкі і трансгранічнае супрацоўніцтва паміж мытнымі ўпраўленнямі. У выніку чакаецца, што будуць створаны рэкамендацыі для поўнага укаранення рашэння, каб яно рэалізоўвалася ва ўсім рэгіёне.


Карткi

Паглядзець усё