Home / Stay Informed /
Што такое лічбавы транспартны калідор (укараненне eFTI)?
Date: 24/04/20
Лічбавы транспартны калідор з укараненнем электроннай інфармацыі аб грузаперавозках (eFTI) – гэта абмен лагістычнымі данымі ў фізічных міждзяржаўных транспартных калідорах, уключаючы аўтамабільныя дарогі, чыгунку і ўнутраныя водныя шляхі.
Ён неабходны, таму што лагістычным кампаніям, што займаюцца перасоўваннем тавараў і паслуг праз межы, даводзіцца ўзаемадзейнічаць з рознымі лагістычнымі сістэмамі. Выкарыстанне папяровых дакументаў у розных Усходніх краінах-партнёрах і ў ЕС стварае перашкоды для імгненнага абмену лагістычнай інфармацыяй паміж краінамі, а таксама паміж эканамічнымі суб’ектамі і ўладамі/адміністрацыяй. Акрамя таго, прававыя базы, што рэгулююць лагістычныя працэсы, і распрацоўваемыя інфармацыйныя сістэмы ў гэтых краінах адрозніваюцца адна ад адной, што робіць лагістычныя працэсы больш доўгімі і складанымі. Гэта вядзе да павелічэння кошту лагістычных аперацый і затрымак з дастаўкай тавараў ці з аказаннем паслуг.
Каб стандартызаваць і спрасціць працэдуры абмену інфармацыяй у сферы лагістыкі, ЕС працуе над стварэннем адзінай прававой базы для рэгулявання абмену электроннай інфармацыяй аб грузаперавозках – Рэгламенту eFTI, што ўступіць у сілу ў 2026 годзе. Тэматычная вобласць Электронны гандаль праекта EU4Digital прысвечана распрацоўцы плана дзеянняў па ўкараненні падобнай сістэмы ва Усходніх краінах-партнёрах. Укараненне ў гэтых краінах сістэмы, падобнай да eFTI, забяспечыць не толькі бяспечны, празрысты і эфектыўны абмен лагістычнай інфармацыяй паміж уладамі і прадпрыемствамі, але таксама ўмацуе гандлёвыя адносіны з краінамі ЕС дзякуючы бесперашкоднаму трансгранічнаму абмену таварамі.
- Электронны гандаль