Rəqəmsal Nəqliyyat Dəhlizi nədir?

Yükdaşımalar haqqında elektron məlumatların mübadiləsi sisteminin tətbiq (eFTI) olunduğu Rəqəmsal Nəqliyyat Dəhlizi avtomobil, dəmir yolu və daxili su yolu nəqliyyatı daxil olmaqla ölkələrarası fiziki nəqliyyat dəhlizləri arasında logistik məlumatların mübadiləsidir.

Məhsul və xidmətlərin sərhədlərdən keçirilməsində iştirak edən logistika şirkətləri müxtəlif logistika sistemləri ilə qarşılıqlı fəaliyyət göstərməlidirlər. Müxtəlif Şərq Tərəfdaşlığı ölkələrində və Aİ-də çap sənədlərin istifadəsi ölkələr arasında, eləcə də iqtisadi operatorlar və səlahiyyətli orqanlar arasında logistik məlumatların avtomatik mübadiləsinə maneələr yaradır. Bundan əlavə, logistika proseslərinin və inkişaf etməkdə olan informasiya sistemləri üzrə qanunvericilik bazası bütün ölkələrdə eyni deyil, bu da logistika proseslərini daha uzun və mürəkkəb hala gətirir. Bu isə öz növbəsində daha yüksək logistika xərclərinə və malların və xidmətlərin verilməsində gecikmələrə səbəb olur. 

Logistika sahəsində məlumat mübadiləsi prosedurlarını standartlaşdırmaq və sadələşdirmək üçün Aİ 2026-cı ildə qüvvəyə minəcək eFTİ Reqlamenti adlı yükdaşımaları ilə bağlı məlumatların elektron mübadiləsini tənzimləyən vahid hüquqi baza üzərində çalışır. EU4Digital təşəbbüsünün Elektron ticarət şəbəkəsi Şərq Tərəfdaşlığı ölkələrində oxşar layihələrin həyata keçirilməsi üçün fəaliyyət planı hazırlayır. Bu ölkələr üçün eFTİ kimi sistemlərin tətbiqi dövlət orqanları və müəssisələr arasında logistika məlumatlarının təhlükəsiz, şəffaf və səmərəli şəkildə mübadiləsinə, eləcə də məhsulların maneəsiz transsərhəd mübadiləsi üçün Aİ ölkələri ilə ticarət əlaqələrinin gücləndirilməsinə imkan verəcək.