Բեռնափոխադրումների մասին տեղեկատվության էլեկտրոնային փոխանակման (eFTI) տեղակայմամբ թվային տրանսպորտային միջանցքը լոգիստիկ տվյալների փոխանակումն է ֆիզիկական միջերկրային տրանսպորտային միջանցքներով, ներառյալ ճանապարհային, երկաթուղային եւ ներքին ջրային ուղիները: Այն անհրաժեշտ է, քանի որ ապրանքների եւ ծառայությունների միջազգային տեղափոխմամբ զբաղվող լոգիստիկ ընկերությունները գործ են ունենում տարբեր լոգիստիկ համակարգերի հետ:

ԱլԳ տարբեր երկրներում եւ ԵՄ-ում թղթային փաստաթղթերի օգտագործումը ստեղծում է խոչընդոտներ, որոնք բարդացնում են լոգիստիկ տեղեկատվության ակնթարթային փոխանակումը երկրների, ինչպես նաեւ տնտեսվարողների եւ իշխանությունների / վարչակազմերի միջեւ: Բացի այդ, լոգիստիկ գործընթացների եւ մշակվող տեղեկատվական համակարգերի իրավական շրջանակները բոլոր երկրներում նույնը չեն, ինչը լոգիստիկ գործընթացները դարձնում է ավելի երկար եւ բարդ: Սա հանգեցնում է լոգիստիկ ծախսերի ավելացման եւ ապրանքների ու ծառայությունների մատակարարումների ուշացման:

Լոգիստիկայի ոլորտում տեղեկատվության փոխանակման ընթացակարգերը ստանդարտացնելու եւ պարզեցնելու նպատակով ԵՄ-ն աշխատանքներ է տանում բեռնափոխադրումների մասին տեղեկատվության էլեկտրոնային փոխանակումը կանոնակարգող (eFTI կկանոնակարգում) միասնական իրավական դաշտի ստեղծման ուղղությամբ, որն ուժի մեջ կմտնի 2026 թվականին։

«EU4Digital» ծրագրի «Էլեկտրոնային առեւտուր» թեմատիկ ուղղությունը մշակում է գործողությունների ծրագիր ԱլԳ երկրներում համանման համակարգի ներդրման համար: Վերջիններիս համար eFTI-ի նման համակարգի ներդրումը ոչ միայն կապահովի անվտանգ, թափանցիկ եւ արդյունավետ լոգիստիկ տեղեկատվության փոխանակում իշխանությունների եւ ձեռնարկությունների միջեւ, այլ նաեւ կամրապնդի առեւտրային հարաբերությունները ԵՄ երկրների հետ՝ ապրանքների անխափան անդրսահմանային փոխանակման շնորհիվ: