26 лютага 2021 года Праект EU4Digital арганізаваў сеткавае мерапрыемства, прысвечанае лічбавым навыкам, падчас якога асноўныя прынцыпы кампаніі EU4Digital па прасоўванні лічбавых навыкаў былі прадстаўленыя і ўзгодненыя з прадстаўнікамі Усходніх краін-партнёраў.

Акрамя таго, удзельнікі мерапрыемства коратка абмеркавалі наступныя трэнінгі, канферэнцыі, вучэбныя візіты і магчымых спікераў, а таксама зацвердзілі прыкладныя тэрміны правядзення мерапрыемстваў.

Чакаецца, што кампанія пройдзе ў пачатку мая 2021 года і на аснове пэўных прыкладаў прадэманструе, як дзейнасць EU4Digital, звязаная з лічбавымі навыкамі, паўплывала на іх развіццё ва ўсіх Усходніх краінах-партнёрах. Кампанія дазволіць павысіць інфармаванасць аб тым, чаму ўдасканальваць лічбавыя навыкі неабходна і карысна.

Падчас мазгавога штурму, да якога далучыўся аддзел камунікацый EU4Digital, прадстаўнікі розных краін падзяліліся сваімі думкамі, ідэямі і перадавым вопытам правядзення мерапрыемстваў, звязаных з лічбавымі навыкамі, у сваіх краінах. Асноўны напрамак кампаніі «Моладзь у сферы дакладных навук і ІКТ» быў абраны прадстаўнікамі краін падчас папярэдняга сеткавага мерапрыемства, а перадавы вопыт у кожнай краіне быў вызначаны дзеля таго, каб звярнуць увагу на намаганні і поспехі EU4Digital у прасоўванні лічбавых навыкаў сярод моладзі. Праект EU4Digital падтрымлівае развіццё лічбавых навыкаў і інавацый у сферы ІКТ ва Усходніх краінах-партнёрах шляхам арганізацыі разнастайных мерапрыемстваў, у тым ліку трэнінгаў, канферэнцый і сеткавых мерапрыемстваў.