ჩამოტვირთეთ ევროკავშირის საუკეთესო პრაქტიკის ანგარიში 5G კერძო ქსელების განვითარების შესახებ

პროგრამის EU4Digital ექსპერტებმა ევროკავშირის საუკეთესო პრაქტიკის ანგარიში
5G კერძო ქსელების განვითარების შესახებ ტელეკომის წესების მიმართულების საქმიანობის ფარგლებში მოამზადეს. ანგარიშის ძირითადი მიზანია 5G კერძო ქსელების განვითარების ბიზნესში გამოყენების შემთხვევების განხილვა და ევროკავშირის წევრი სახელმწიფოების გამოცდილების გაზიარება სიხშირეების განაწილების შესახებ.

5G კერძო ქსელების განვითარება წარმოადგენს მოწყობილობების ერთმანეთთან დაკავშირების და მოწინავე პროექტების განხორციელების შესაძლებლობას მსოფლიოს მასშტაბით სხვადასხვა სექტორში, რომელთა შორისაა ჯანდაცვაში დიაგნოსტიკური მონაცემების დროის რეალურ რეჟიმში მოპოვება, ჭკვიანი ენერგეტიკა, ტრანსპორტი, წყალი და ნარჩენების მენეჯმენტი.

ანგარიშში განხილულია 5G კერძო ქსელების გამოყენების უპირატესობები, კერძოდ, საავტომობილო და მრეწველობის დარგებში. მანქანათმშენებელი კომპანიების მიზანია მაღალი სიჩქარის და დაბალი დაყოვნების 5G-ს გამოყენება წარმოების ეფექტიანობის გაუმჯობესებისთვის და შეფერხებების შესამცირებლად დროის რეალურ რეჟიმში მონიტორინგის საშუალებით, ხოლო სამრეწველო პროდუქციის მწარმოებელი კომპანიები უკავშირდებიან ადგილობრივ საწარმოო აპლიკაციებს და იყენებენ საგნების ინტერნეტს და ხელოვნურ ინტელექტს იმისათვის, რომ ჰქონდეთ უფრო სწრაფი და სანდო ქსელები, გააუმჯობესონ პროდუქციის ხარისხი და შექმნან უფრო უსაფრთხო სამუშაო გარემო. ანგარიშის დასკვნების და აღმოსავლეთ პარტნიორი ქვეყნების მასალების საფუძველზე პროგრამა EU4Digital კონკრეტული ქვეყნებისთვის განსაზღვრავს პრიორიტეტებს და ინიციატივებს, რომლებიც განხორციელდება 5G კერძო ქსელების განვითარების მიზნით.

ამ ანგარიშის ჩამოტვირთვა შეგიძლიათ ჩვენი ბიბლიოთეკიდან.  

დამატებით ინფორმაციის მისაღებად პროგრამის EU4Digital ტელეკომის წესების მიმართულების საქმიანობის შესახებ იხილეთ ჩვენი „განმარტებების“ ვებ-კონტენტი და ჩვენი მოკლე ვიდეორგოლი „ეს არის ტელეკომის წესები“ ჩვენს ბიბლიოთეკაში.