ე-მიწოდების საპილოტე პროექტის სადემონსტრაციო ღონისძიება აშუქებს ე-ანგარიშფაქტურის გაცვლის პროცესს უკრაინას და პოლონეთს შორის

9 დეკემბერს პროგრამამ EU4Digital ჩაატარა ე-მიწოდების საპილოტე პროექტის ონლაინ ღონისძიება ანგარიშ-ფაქტურის მონაცემთა სახელმწიფოთაშორისი გაცვლის სადემონსტრაციოდ უკრაინას და პოლონეთს შორის.

ვირტუალურ სადემონსტრაციო ღონისძიებას, რომელიც ჩატარდა ე-ვაჭრობის ქსელის მე-9 სემინარის შემდეგ, დაესწრო 50-ზე მეტი მონაწილე აღმოსავლეთ პარტნიორობის ქვეყნებიდან და ევროკავშირიდან. მონაწილეთა შორის იყვნენ: პროგრამის EU4Digital ე-მიწოდების ექსპერტები, ე-ვაჭრობის ქსელის სახელმწიფოთაშორისი სამუშაო ჯგუფის წევრები, ციფრული ბაზრების ჰარმონიზაციის კოორდინატორები, და აღმოსავლეთ პარტნიორობის ქვეყნების სამინისტროების და კერძო კომპანიების წარმომადგენლები.

პროგრამის EU4Digital გუნდის ხელმძღვანელის მოადგილემ რუტა სალვიტე-ტამოსიუნიენემ გახსნა ღონისძიება, რომელზეც განიხილეს ე-მიწოდების საპილოტე პროექტის პრაქტიკული მხარე; ამან საშუალება მისცა მონაწილეებს ეტაპობრივად ენახათ, თუ როგორ ხდება ელექტრონული ანგარიშ-ფაქტურების გაცვლა ე-მიწოდების გადაწყვეტის საშუალებით. პროგრამის EU4Digital წამყვანმა ექსპერტებმა იონას ზალინკევიჩიუსმა და რისარდას ბედულსკისმა წარმოადგინეს პროცესი ორ საპილოტე ქვეყანას, უკრაინას და პოლონეთს შორის.

ე-მიწოდების საპილოტე პროექტი უკრაინას და პოლონეთს შორის დაიწყო 9 ოქტომბერს., როდესაც სტანდარტიზებული ანგარიშ-ფაქტურის მონაცემები წარმატებით იქნა გაცვლილი ოთხ წინასწარ შერჩეულ იმპორტის და ექსპორტის კომპანიას შორის.

სადემონსტრაციო ღონისძიებაზე გაშუქდა პროცესის ტექნიკური ასპექტები, მაგ. პილოტირების კონცეფცია, ზოგიერთი ძირითადი მოთხოვნა ე-მიწოდების განსახორციელებლად, და პანევროპული ონლაინ სახელმწიფო შესყიდვების (Peppol) ქსელში გაერთიანების მთავარი უპირატესობები; ამის შემდეგ კი ჩატარდა საპილოტე პროექტის დროს განხორციელებული ანგარიშ-ფაქტურის გაცვლის პროცესის ეტაპობრივი განხილვა. უკრაინის და პოლონეთის საპილოტე პროექტის გარდა, სადემონსტრაციო ღონისძიებაზე განიხილეს მეორე მაგალითი, თუ როგორ შეუძლია ტერმინალის მქონე ქვეყანას განახორციელოს მონაცემთა გაცვლა პანევროპული ონლაინ სახელმწიფო შესყიდვების (Peppol) ქსელის ნებისმიერ წევრთან; ამ ქსელში ამჟამად 30 ქვეყანაა გაერთიანებული, განხილულ მეორე მაგალითში კი მონაცემთა გაცვლა ლიეტუვასთან განხორციელდა.

მონაწილეებმა მოისმინეს იმ პარტნიორთა გამოსვლები, ვინც გადამწყვეტი როლი შეასრულა საპილოტე პროექტის წარმატებით განხორციელებაში. უკრაინის ციფრული ტრანსფორმაციის სამინისტროს წარმომადგენელმა მიხაელ ლატინსკიმ განმარტა, რომ არსებული გამოწვევების მიუხედავად ბევრი რამ იქნა მიღწეული და განხორციელებული, მათ შორის პარტნიორი კომპანიების შერჩევა, მონაწილე მხარეთა ჩართვა, მრავალი სემინარი, ცოცხალი ღონისძიება და სხვა.

სამომავლოდ, როგორც ლატინსკიმ აღნიშნა, ახლა უკრაინა პროგრამის EU4Digital წარმომადგენელ კოლეგებთან ერთად მუშაობს იმ საკითხზე, “თუ როგორ შექმნას უკეთესი იურიდიული საფუძველი ელექტრონული სერვისებისთვის უკრაინაში სახელმწიფო და კერძო კომპანიების დახმარებით”, და წავიდეს წინ ე-მიწოდების გამოყენებით. “ჩვენ, როგორც სამინისტრო, ვხედავთ [ე-მიწოდების გადაწყვეტის] გაზომვად პოტენციალს სექტორთაშორისი თანამშრომლობისთვის”, აღნიშნა მან.

პროგრამამ EU4Digital ახლახან დაიწყო მოსამზადებელი სამუშაოები ე-მიწოდების სცენარზე აღმოსავლეთ პარტნიორობის ქვეყნებს შორის სომხეთის და უკრაინის ტესტირებით; აღნიშნულის მიზანია გადაწყვეტის პილოტირება რეგიონის მასშტაბით. როგორც სომხეთის სახელმწიფო შემოსავლების კომიტეტის წარმომადგენელმა კარენ მარტიროსიანმა აღნიშნა, ერთთვიანი მუშაობის შემდეგ მათ ასევე დაინახეს მნიშვნელოვანი პოტენციალი იმისათვის, რომ ე-მიწოდება და სახელმწიფოთაშორისი მონაცემთა გაცვლა მომავალში განხორციელდეს.  საპილოტე საქმიანობის შემდეგ პროგრამა EU4Digital გასცემს რეკომენდაციებს ორ ძირითად პრიორიტეტულ საკითხზე: 1) დაწყება და მასშტაბირება – ე. ი. როგორ უნდა გადავიდნენ ქვეყნები სატესტო გარემოდან ე-მიწოდების სრულყოფილ გამოყენებაზე; და 2) სწავლა და ხელმეორედ გამოყენება – ე. ი. როგორც შეუძლიათ აღმოსავლეთ პარტნიორობის სხვა ქვეყნებს სარგებლობის მიღება ამ საპილოტე საქმიანობიდან, და ე-მიწოდების გადაწყვეტის დანერგვა.