«EaPeReg» ցանցի (Արևելյան գործընկերության էլեկտրոնային հաղորդակցության կարգավորողների ցանց) Ռոումինգի հարցերով փորձագիտական աշխատանքային խմբի (ՌՓԱԽ) 7-րդ հանդիպումը կանցկացվի 2019 թվականի հոկտեմբերի 15-ից 16-ը՝ Չեխիայի Հանրապետության մայրաքաղաք Պրահայում:

Հանդիպումը, որպես հյուրընկալող կողմ, կկազմակերպի Չեխիայի հեռահաղորդակցության գրասենյակը (ՉՀԳ)՝ Կապի և տեղեկատվայնացման պետական կարգավորման ազգային հանձնաժողովի (ԿՏՊԿԱՀ) հետ համագործակցությամբ և Եվրոպական հանձնաժողովի աջակցությամբ:

ՌՓԱԽ-ի 7-րդ հանդիպման առանցքային նպատակը Արևելյան գործընկերության երկրների միջև տարածաշրջանային ռոումինգի համաձայնագրի ուղղությամբ համագործակցության հստակ ճանապարհային քարտեզի (ՏՌՀ ուղղությամբ ճանապարհային քարտեզ) իրականացման շուրջ տարված աշխատանքների ներկայացումն ու քննարկումն է: Խոսքը, մասնավորապես, վերաբերում է ռոումինգի վերաբերյալ հավաքագրված տվյալների վերլուծության արդյունքներին, համապատասխան նախարարությունների հետ ԱՀԿ քննարկումային փաստաթղթի վերաբերյալ խորհրդակցությունների արդյունքներին, ինչպես նաև ՏՌՀ ուղղությամբ ճանապարհային քարտեզի իրականացման համատեքստում մինչև այս տարվա ավարտը կատարման ենթակա հիմնական առաջադրանքներին:

Բացի այդ, մասնակիցները կքննարկեն նաև մինչև այս տարեվերջ նախատեսված ռոումինգի վերաբերյալ հանդիպումների բովանդակությունը/օրակարգերը (հանդիպում շահագրգիռ կողմերի հետ և հանդիպում օպերատորների հետ՝ ազգային մակարդակում), ՌՓԱԽ-ի 2020 թվականի գործողությունների ծրագիրն ու «EU4Digital» («ԵՄ-ն թվային համայնքի համար») նախագծի շրջանակներում ՌՓԱԽ գործողությունները: