EU4Digital-ի անկախ կարգավորողների և լայնաշերտ կապի փորձագիտական աշխատանքային խմբի հանդիպմանը քննարկվել է կարգավորող մարմինների անկախության գնահատման հարցը

  • Ամսաթիվ: 20/11/19
  • Կիսվել:

EaPeReg ցանցի (Արևելյան գործընկերության էլեկտրոնային հաղորդակցության կարգավորողների ցանց) Անկախ կարգավորողների և լայնաշերտ կապի փորձագիտական աշխատանքային խումբը (ԱԿԼԿ ՓԱԽ) հանդիպել է՝ ազգային կարգավորող մարմինների անկախության գնահատման հարցը քննարկելու նպատակով:

Հոկտեմբերի 3-ից 4-ը Հունաստանի Հերակլիոն քաղաքում կայացած հանդիպմանը մասնակցել են ԱլԳ բոլոր վեց երկրների ներկայացուցիչներ, այդ թվում՝ ազգային կարգավորող մարմինների ղեկավարներ, ինչպես նաև՝ «EU4Digital» ծրագիրը, Համաշխարհային բանկն ու Եվրոպական հանձնաժողովը ներկայացնող փորձագետներ:

Հանդիպումը նվիրված էր ազգային կարգավորող մարմինների անկախության գնահատման մեթոդաբանությանը:

Հանդիպման ընթացքում ԱլԳ երկրների բարձրաստիճան ներկայացուցիչները հաստատեցին «EU4Digital» ծրագրի փորձագետների կողմից ներկայացված մեթոդաբանության ուրվագիծը:

Հանդիպմանը քննարկվել են նաև Համաշխարհային բանկի թիմի պատրաստած համեմատական վերլուծության արդյունքները, շուկայի վերլուծության մեթոդների վերաբերյալ ԵՄ լավագույն փորձերը, Լեհաստանում և Վրաստանում լայնաշերտ կապի քարտեզագրման առաջընթացը, ինչպես նաև՝ Չեխիայի Հանրապետությունում լայնաշերտ ցանցի զարգացման ուղղությամբ բարձր մակարդակի քաղաքականության և ռազմավարության մշակումը:


Նորություններ

Ցուցադրել բոլորը