Քիշնևում կայացավ Արևելյան գործընկերությունում Ռադիոհաճախականության սպեկտրի փորձագիտական աշխատանքային խմբի հանդիպումը

  • Ամսաթիվ: 27/10/19
  • Կիսվել:

Հոկտեմբերի 8-ից 10-ը Մոլդովայի Հանրապետության Էլեկտրոնային հաղորդակցության և տեղեկատվական տեխնոլոգիաների ազգային կարգավորող գործակալության (ԷՀՏՏԱԿԳ) կողմից կազմակերպվել էր «EaPeReg» ցանցի (Արևելյան գործընկերության էլեկտրոնային հաղորդակցության կարգավորողների ցանց) փորձագիտական խմբի 9-րդ հանդիպումը, որը վերաբերում էր ռադիոհաճախականության սպեկտրին:

Միջոցառումը կազմակերպվել էր Վրաստանի հաղորդակցությունների ազգային հանձնաժողովի (ՎՀԱՀ) հետ համագործակցությամբ, որը Եվրոպական միության աջակցությամբ նախագահում է Սպեկտրային փորձագիտական աշխատանքային խմբում:

Հանդիպմանը մասնակցում էին էլեկտրոնային հաղորդակցության կարգավորող մարմինների մասնագետներ՝ Արևելյան գործընկերության (ԱլԳ) բոլոր վեց երկրներից, ոլորտային փորձագետներ՝ ԵՄ անդամ պետություններից (Ռումինիա, Լիտվա, Լատվիա, Հունգարիա, Սլովակիա, Ֆրանսիա, Շվեյցարիա և Շվեդիա), ինչպես նաև «EU4Digital» ծրագրի փորձագետներ:

Սպեկտրային փորձագիտական աշխատանքային խմբի հանդիպման նպատակը 700 ՄՀց և 3400-3800 ՄՀց հաճախությամբ շերտերի օգտագործման ուղղությամբ ԵՄ լավագույն փորձի վերաբերյալ վերլուծության արդյունքները ներկայացնելն ու քննարկելն էր: Նշված շերտերը հասանելի կլինեն ԱլԳ երկրների էլեկտրոնային հաղորդակցությունների շուկայում՝ 5G տեխնոլոգիայի հիման վրա բջջային ցանցերի զարգացման համար:

Ներկայումս Մոլդովայի Հանրապետությունում 3400-3800 ՄՀց հաճախությամբ շերտն անվճար է և կարող է ծառայել նշված նպատակների համար, մինչդեռ 700 ՄՀց հաճախությամբ շերտն առանձնացված է անալոգային ձևաչափով երկրային հեռուստատեսային ծառայությունների համար: Դրա տեղաբաշխումը հնարավոր կդառնա թվային հեռուստատեսության անցումն ավարտին հասցնելուն պես:

Քննարկումները ներառում էին նաև ավտոէլեկտրոնային հոսքին, 5G միջանցքներին, 5G մրցույթների իրականացմանն ու կազմակերպմանը, հավաստագրման պարտավորություններին և 5G ցանցերի միջսահմանային համակարգմանը վերաբերող հարցեր:

Այս գործողությունները տեղի են ունենում «EU4Digital» նախաձեռնության հետ սերտ համագործակցության պայմաններում, որի միջոցով ԵՄ-ն Արևելյան գործընկերության երկրներին աջակցում է ռոումինգի հետ կապված ծախսերի կրճատման, գերարագ լայնաշերտ էլեկտրոնային ծառայությունների ընդլայնման, թվային շրջանակների ներդաշնակեցման, կիբերանվտանգության բարձրացման և թվային հմտությունների զարգացման հարցերում:

«EaPeReg» խումբը 2012 թվականին ստեղծվել է Քիշնևում՝ ԵՄ աջակցությամբ: Խմբի առաքելությունն է ապահովել ԱլԳ երկրներում և ԵՄ-ում գործող էլեկտրոնային հաղորդակցության կարգավորող մարմինների միջև տեղեկատվության և փորձի փոխանակումը, ԱլԳ երկրներում գործող իրավապայմանագրային դաշտի՝ ԵՄ ստանդարտներին համապատասխան ներդաշնակեցումը, ինչպես նաև եվրոպական լավագույն կարգավորող պրակտիկաների կիրարկումը:

Մամուլի հաղորդագրություն


Նորություններ

Ցուցադրել բոլորը