Elektron səhiyyə şəbəkəsinin seminarında ŞT ölkələrində inkişaf ediləcək əsas sahələr diqqət mərkəzində olmuşdur

  • Tarix: 17/02/20
  • Paylaş:

EU4Digital təşəbbüsünün Elektron səhiyyə üzrə komandası elektron səhiyyə sahəsində əməkdaşlığa şərait yaratmaq məqsədilə fevralın 11-də altı Şərq Tərəfdaşlığı (ŞT) ölkəsindən olan maraqlı tərəflərin iştirakı ilə onlayn video seminar təşkil etmişdir.

Seminarda diqqət əsasən məlumatların məxfiliyi, Elektron səhiyyə şəbəkəsinin ölkə səviyyəsində istifadəçi və xidmət yönümlü layihəsi kimi tərəfdaş ölkələrdə gələcəkdə inkişaf etdiriləcək mühüm sahələri ortaya çıxaran Elektron səhiyyə sahəsində uyğunlaşdırma və uzlaşma ilə bağlı qiymətləndirilmənin nəticələri müzakirə edilmişdir.

Seminar iştirakçıları həmçinin öz ölkələrində Elektron səhiyyə ilə bağlı bir neçə rəqəmsal sahənin aktuallığını və əhəmiyyətini müzakirə ediblər. İştirakçıların maraq göstərdiyi əsas sahələr

bunlar olmuşdur:

  • məlumatların təhlili,
  • səhiyyə sistemi üçün rəqəmsal həllər,
  • profilaktika.

Tədbir iştirakçıları öz ölkələrində yekunlaşan müvafiq layihələr ətrafında fikir mübadiləsi aparıblar və şəbəkənin növbəti seminar və görüşlərində qabaqcıl təcrübələri toplamaq və paylaşmağa dair razılığa gəliblər.

Seminarda “Funka” tərəfindən icra edilən Aktiv və Sağlam Yaşlanma üzrə Avropa İnnovasiya Tərəfdaşlığı (AHA üzrə EIP) proqramında iştirak imkanları təqdim olunub.

Tərəfdaş ölkələr gələcək əməkdaşlıqda maraqlı olduqlarını ifadə edərək Elektron səhiyyə şəbəkəsinin may ayında keçiriləcək növbəti seminarına qədər daha bir video seminarın keçirilməsinə dair razılığa gəliblər.