«EU4Digital» ծրագրի «Էլեկտրոնային առեւտուր» թեմատիկ ուղղության շրջանակներում ցանցային գործունեության իմաստը կայանում է գործնական կապեր ստեղծելու եւ միտումների եւ գործողությունների մասին տեղեկատվություն փոխանակկելու մեջ: EU4Digital-ն էլեկտրոնային առեւտրի ոլորտում իրականացնում է բազմաթիվ միջոցառումներ եւ պիլոտային ծրագրեր, որոնք պահանջում են միջերկրային համագործակցություն: Հետեւաբար, տեղեկատվության փոխանակումը կենսական նշանակություն ունի էլեկտրոնային առեւտրին առնչվող հիմնահարցերի վերաբերյալ իրազեկվածությունը բարձրացնելու, բարեփոխումների իրականացումը խթանելու եւ միջազգային շահագրգիռ կողմերի միջեւ գործունեությունը համակարգված դարձնելու համար:

Միջազգային գործնական կապերի զարգացման գործունեությունը ներառում է առցանց միջոցառումներ, ինչպիսիք են իրազեկման հանդիպումները, սեմինարները եւ խորհրդատվությունները: Կազմակերպվում են ճանաչողական այցեր՝ պիլոտային լուծումները դիտարկելու, ուսումնասիրելու եւ քննարկելու կամ ԱլԳ երկրներից դուրս գործող լուծումներն ու լավագույն պրակտիկաներն ուսումնասիրելու նպատակով: Կազմակերպվում են նաեւ միջոցառումներ, որոնց մասնակիցները փոխանակվում են կոնտակտներով եւ էլեկտրոնային առեւտրի միտումների մասին տեղեկություններով: Նշված միջոցառումները կարող են ուղղված լինել քաղաքականություն մշակողներին, ներդրողներին, թվային տեխնոլոգիաներին մատակարարներին, թվային ծառայություններ մատուցողներին, գիտահետազոտական կենտրոններին, գիտական շրջանակներին, պետական կառավարման մարմիններին, գործակալություններին եւ էլեկտրոնային առեւտրի այլ շահագրգիռ կողմերին:

«EU4Digital» ծրագրի «Էլեկտրոնային առեւտուր» թեմատիկ ուղղության շրջանակներում իրականացված ցանցային միջոցառումների օրինակներից են՝ eFTI կանոնակարգի թարմացումների եւ ԵՄ անդամ պետությունների նախապատրաստական աշխատանքների վերաբերյալ իրազեկության բարձրացման հանդիպումը, էլեկտրոնային կոմերցիայի աքսելերատորի վերաբերյալ իրազեկման հանդիպումը, որում անդրադարձ է եղել նաեւ ԵՄ էլեկտրոնային կոմերցիայի ոլորտային նորություններին ու Ecommerce Europe-ի հետ համագործակցության հնարավորություններին, ինչպես նաեւ eCustoms-ի պիլոտավորման նախապատրաստական աշխատանքների շրջանակներում ճանաչողական այցը ուկրաինա-ռումինական սահման։