Արևելյան գործընկերությունը (ԱլԳ) համատեղ քաղաքական նախաձեռնություն է, որի նպատակն է խորացնել և ամրապնդել Եվրոպական միության (ԵՄ), նրա անդամ պետությունների ու վեց արևելյան հարևանների՝ Հայաստանի, Ադրբեջանի, Բելառուսի, Վրաստանի, Մոլդովայի Հանրապետության և Ուկրաինայի միջև հարաբերությունները: ԵՄ-ի հարաբերություններն իր հարևանների հետ կարգավորվում են ԵՄ-ի գլոբալ ռազմավարությամբ և վերանայված Եվրոպական հարևանության քաղաքականությամբ, որոնք ԵՄ-ի արևելյան հարևանների կայունության և դիմակայունության բարելավման ուղղությամբ ջանքերի կենտրոնացման կոչ են անում:
Այս շրջանակում գոյություն ունի ամբողջ տարածաշրջանի քաղաքացիների համար շոշափելի արդյունքներ ապահովելու միասնական հանձնառություն:
Հիմնվելով ներկայիս «20 թիրախային արդյունք 2020 թվականի համար» օրակարգի վրա՝ 2020թ.-ի մարտի 18-ին ընդունվեց քաղաքականության երկարաժամկետ նպատակների նոր համախումբը՝ «Դիմակայունության ապահովում. Արևելյան գործընկերություն, որ ապահովում է բոլորին» համատեղ ուղերձը՝ ուրվագծելով 2020թ.-ից հետո ժամանակահատվածի համար Արևելյան գործընկերության նպատակները և սահմանելով այն միջոցառումները, որոնք ուղղված են դիմակայունության ամրապնդմանը, կայուն զարգացման խթանմանը և հասարակության համար շոշափելի արդյունքներ ապահովելուն:
Նշված նպատակները կառուցված են քաղաքականության հինգ գերակայությունների շուրջ.
Դիմակայուն թվային փոխակերպմանն աջակցությունն Արևելյան գործընկերության համար հստակ կերպով սահմանված է որպես 2020 թվականից հետո ժամանակահատվածի առանցքային գերակայություն. «ԵՄ հարևանության տարածքում թվային ընդգծված ներկայությունը կընձեռի աճի և կայուն զարգացման հնարավորություն: Այս առնչությամբ ԵՄ-ն՝ իր օրենսդրությանը և լավագույն փորձին համապատասխան, կշարունակի ներդրումներ կատարել գործընկեր երկրների թվային փոխակերպման ուղղությամբ և կաջակցի տարածաշրջանի բարձրտեխնոլոգիական թվային ստարտափների ընդլայնմանը: ԵՄ-ն կշարունակի աջակցել և նպաստել գործընկեր երկրների կիբերդիմակայունությանը»:
Լրացուցիչ տեղեկատվության համար անցնել հետևյալ հղումով:
«EU4Digital. աջակցելով թվային տնտեսությանն ու հասարակությանն Արևելյան գործընկերությունում» ծրագիրը նպաստում է թվային տնտեսության և հասարակության հիմնական ոլորտների զարգացմանը՝ ԵՄ նորմերի ու փորձերի համաձայն: Ծրագիրն իրականացվում է EY-ի գլխավորած կոնսորցիումի կողմից՝ Action Global Communications-ի և CEPS-ի հետ համատեղ:
© Եվրոպական Միություն, 2023. բոլոր իրավունքները պաշտպանված են:
EU4Digital ծրագիրը ֆինանսավորվում է Եվրոպական միության կողմից
Հայերեն 
Ադրբեջաներեն
Անգլերեն
Բելառուսերեն
Ուկրաիներեն
Ռումիներեն
Ռուսերեն
Վրացերեն