09/04/2024
Մեկնարկում է «EU4Digital» ակադեմիայի առաջին թվային դասընթացը
«EU4Digital» ծրագիրը հրավիրում է Ուկրաինայի քաղաքացիներին ու փոքր եւ միջին ձեռնարկություններին (ՓՄՁ)՝ գրանցվելու նորաստեղծ «EU4Digital» ակադեմիայի շրջանակում հասանելի առաջին թվային դասընթացին: «Էլեկտրոնային կոմերցիան ԵՄ առեւտրային հարթակներում» թեմայով առցանց դասընթացը հարմար եւ օգտակար է այն սովորողների համար, ովքեր չունեն էլեկտրոնային կոմերցիայի մասին նախնական գիտելիքներ, բայց ցանկանում են գնալ այդ ճանապարհով, կամ ովքեր իրենց երկրում արդեն իսկ զբաղվում են ապրանքների առցանց վաճառքով, բայց ցանկանում են դա անել նաեւ Եվրոպական միության (ԵՄ) երկրներում։
Իմանալ ավելին-
03/01/2024
UNCTAD eWeek-ը կայուն եւ ներառական ուղի է նախանշում դեպի թվային տնտեսություն
2023 թվականի դեկտեմբերի 4-ից 8-ը կայացած UNCTAD eWeek 2023-ի ավելի քան 3500 մասնակիցներ քննարկել են, թե ինչպես կարելի է թվային հնարավորությունները վերածել ընդհանուր եւ կայուն զարգացման ձեռքբերումների:
Իմանալ ավելին -
02/01/2024
Հայաստանում առաջին արհեստական բանականության սուպերհամակարգչային կենտրոնը կնպաստի տեխնոլոգիական առաջընթացին
Հայաստանը պատրաստվում է ստեղծել իր առաջին արհեստական բանականության սուպերհամակարգչային կենտրոնը՝ հիմնված ամենաժամանակակից տեխնոլոգիաների վրա։ Կենտրոնի ստեղծման ֆինանսավորումը կկազմի 3,5 մլրդ ՀՀ դրամ (շուրջ 8,5 մլն ԱՄՆ դոլար)՝ նշանակալի քայլ դառնալով դեպի Հայաստանի տեխնոլոգիական առաջընթացը։
Իմանալ ավելին -
28/12/2023
Կայացել է հայկական նորարարական ընկերությունների հավաք՝ Եվրոպական ինովացիոն խորհրդի տեղեկատվական օրվա կապակցությամբ
Եվրոպական ինովացիոն խորհրդի տեղեկատվական օրվա առթիվ 2023 թվականի դեկտեմբերի 5-ին Երեւանում կայացել է հայկական նորարարական ընկերությունների հավաք։ Կազմակերպությունը ներկայացրել է իր հիմնական գործունեությունը, հետաքրքրության ոլորտներն ու աջակցության մեխանիզմները։ Ներկայացվել են նաեւ ՀՀ բարձր տեխնոլոգիական արդյունաբերության նախարարության՝ նորարարական ընկերությունների համար բարենպաստ պայմաններ ստեղծելուն ուղղված ծրագրերը։
Իմանալ ավելին -
28/12/2023
Եվրոպական խորհուրդն Ուկրաինայի եւ Մոլդովայի հետ անդամակցության բանակցություններ սկսելու որոշում է կայացրել, Վրաստանին էլ շնորհել է թեկնածու երկրի կարգավիճակ
2023 թվականի դեկտեմբերի 14-15-ին Եվրոպական խորհուրդը որոշում կայացրեց սկսել Ուկրաինայի եւ Մոլդովայի հետ անդամակցության բանակցությունները։ Սա շրջադարձային պահ էր երկու երկրների ժողովուրդների համար, որոնք հետեւողականորեն ցույց են տվել իրենց եվրոպական համոզմունքը։ ԵՄ առաջնորդները նաեւ որոշել են Վրաստանին թեկնածու երկրի կարգավիճակ շնորհել։
Իմանալ ավելին -
08/12/2023
EU4Digital-ը հրապարակել է զեկույց Արեւելյան գործընկերության ստարտափ էկոհամակարգի վերաբերյալ
«EU4Digital» ծրագիրը հրապարակել է ուսումնասիրության զեկույց, որում քարտեզագրված եւ ախտորոշված է Արեւելյան գործընկերության տարածաշրջանում (ԱլԳ) ստարտափ էկոհամակարգը: «EU4Digital» ծրագրի «ՏՀՏ նորարարություններ» թեմատիկ թիմի կողմից պատրաստված զեկույցը սահմանում է բարձր արդյունավետությամբ ինկուբացման հայեցակարգը, ներկայացնում է ներկա իրավիճակի վերլուծությունը եւ առաջարկություններ է տրամադրում գործընկեր երկրներում՝ Հայաստանում, Ադրբեջանում, Վրաստանում, Մոլդովայի եւ Ուկրաինայում համապատասխան աջակցության ծրագրերի մշակման համար: Զեկույցը հասանելի է առցանց, իսկ հետադարձ արձագանքը ողջունվում է։
Իմանալ ավելին -
23/11/2023
ՀՀ ԲՏԱ նախարարությունն ու FAST հիմնադրամը միավորում են ջանքերը՝ Հայաստանում արհեստական բանականության կրթության խթանման նպատակով
ՀՀ բարձր տեխնոլոգիական արդյունաբերության նախարարությունը՝ ի դեմս նախարար Ռոբերտ Խաչատրյանի եւ Հայաստանի գիտության եւ տեխնոլոգիաների հիմնադրամը (FAST) 2023 թվականի նոյեմբերի 20-ին համագործակցության հուշագիր են ստորագրել Հայաստանում արհեստական բանականության (ԱԲ) կրթության խթանման նպատակով։ Հուշագրի մյուս նպատակներն են ապահովել ոլորտի ընկերությունների եւ կրթական համակարգի միջեւ կապը, մրցունակ եւ նորարար մասնագետների սերնդի ձեւավորումը:
Իմանալ ավելին -
20/11/2023
Մարդկային գործոնը թվային փոխակերպման գործընթացում. Արեւելյան գործընկերության թվային համաժողով – 2023
Դիմակայուն թվային փոխակերպման ճանապարհին անհրաժեշտ է հաշվի առնել մարդակենտրոն կարիքներն ու օգուտները։ Այս եզրահանգմանն են եկել 2023 թվականի նոյեմբերի 14-ին EU4Digital-ի կազմակերպած Արեւելյան գործընկերության (ԱլԳ) թվային համաժողովի մասնակիցները։ Միջոցառման «Թվային ռազմավարական ինքնավարություն. թվային տեխնոլոգիաների օգտագործում՝ հասարակությունների եւ տնտեսությունների հզորացման նպատակով» խորագիրը հնարավորություն տվեց ուսումնասիրելու, թե ինչպես կարող են թվային միակցվածությունն ու արհեստական բանականության (ԱԲ) նման բեկումնային տեխնոլոգիաները խթանել նորարարությունները՝ դիմակայուն կառավարում, տնտեսություն եւ հասարակություն ապահովելու գործում։
Իմանալ ավելին -
20/11/2023
Թվային տեխնոլոգիաներն այլեւս ունեն կենտրոնական նշանակություն. EU4Digital-ի ղեկավար կոմիտեի 2023 թ. նիստի արդյունքները
Թվային տեխնոլոգիաներն այլեւս առանցքային նշանակություն ունեն Արեւելյան գործընկերության (ԱլԳ) առօրյա կյանքում, ուստի ռազմավարական պլանավորման, քաղաքականության ու օրենսդրության համապատասխանեցման, ինչպես նաեւ ներդրումների համակարգված մոտեցումն այժմ կարեւոր է: Սա 2023 թվականի նոյեմբերի 15-ին առցանց անցկացված EU4Digital-ի ղեկավար կոմիտեի 5-րդ տարեկան հանդիպման հիմնական ուղերձն էր:
Իմանալ ավելին -
15/11/2023
Հայ – մալավիական գիտահետազոտական եւ կրթական համագործակցություն թվային տեխնոլոգիաների ոլորտում
Հայկական ASNET-AM ազգային գիտահետազոտական եւ կրթական ցանցը (ԱՀԿՑ) 6 ամսով դարձել է իր մալավիական անալոգի՝ MAREN-ի «երկվորյակը»: Գիտելիքների փոխանակմանն ու MAREN-ի նման նոր ԱՀԿՑ-ների զարգացմանը նպաստելուն ուղղված պիլոտային ծրագրի շրջանակներում «EU4Digital. Հետազոտական եւ կրթական համայնքների միացում (EaPConnect)» ծրագրի գործընկեր ASNET-AM-ն ի թիվս այլի տրամադրում է գիտելիքային եւ տեխնիկական աջակցություն բարձր արտադրողականությամբ հաշվարկների եւ կիբեր-արտակարգ իրավիճակների արձագանքման ոլորտներում։
Իմանալ ավելին -
10/11/2023
EU4Digital-ի շահագրգիռ կողմերի աշխատաժողովում քննարկվել է ազգային մակարդակում արդյունքների ներդրման արագացումը
«EU4Digital» ծրագրի գործունեությունը պայմանավորված է Արեւելյան գործընկերության (ԱլԳ) տարածաշրջանի երկրների՝ Հայաստանի, Ադրբեջանի, Մոլդովայի, Վրաստանի եւ Ուկրաինայի կարիքներով: Այդ գործունեությունն իրականացվում է ԵՄ-ԱլԳ համատեղ օրակարգի շրջանակներում ԵՄ պատվիրակությունների կողմից կառավարվող երկկողմ գործողությունների հետ սերտ համագործակցության պայմաններում։ «EU4Digital» ծրագրի ներկայիս՝ երկրորդ փուլի ընթացքում արդյունքները առավելագույնի հասցնելու համար EU4Digital-ը 2023 թվականի հոկտեմբերի 18-ին Բրյուսելում անցկացրել է աշխատաժողով՝ Եվրամիության եւ Արեւելյան գործընկերության երկրների հիմնական շահագրգիռ կողմերի մասնակցությամբ: Հանդիպումը մասնակիցներին հնարավորություն տվեց գնահատել ծրագրի արդյունքները, կիսվել հետադարձ արձագանքով եւ ուսումնասիրել, թե ինչպես արագացնել EU4Digital-ի գործունեության ներդրումը ազգային մակարդակում:
Իմանալ ավելին -
09/11/2023
Եվրոպական հանձնաժողովն առաջարկում է փոխել Ուկրաինայի, Մոլդովայի եւ Վրաստանի ԵՄ անդամակցության թեկնածության կարգավիճակը
2023 թվականի նոյեմբերի 8-ին Եվրոպական հանձնաժողովը Եվրոպական միության խորհրդին առաջարկել է սկսել Ուկրաինայի եւ Մոլդովայի հետ ԵՄ անդամակցության պաշտոնական բանակցությունները եւ թեկնածու երկրի կարգավիճակ շնորհել Վրաստանին՝ մի շարք պայմանների կատարման դեպքում։ Հանձնաժողովը նաեւ ընդունել է 2023 թվականի ընդլայնման փաթեթը, որում առաջին անգամ գնահատվել է նշված երկրների կատարած աշխատանքը։
Իմանալ ավելին -
11/10/2023
«Առեւտրի խթանում եւ որակի ենթակառուցվածքներ» ծրագիր. «Ինժեներական քաղաքը» նպաստում է նորարարություններին
Բարձր տեխնոլոգիական եւ ճարտարագիտական ընկերությունները հրավիրվում են դիմելու «Ինժեներական քաղաքում» ռեզիդենտի կարգավիճակ ստանալու համար։ Ռեզիդենտ ընկերություններին խրախուսվում է ժամանակակից ենթակառուցվածքի շրջանակներում մշակել եւ իրականացնել բեկումնային գաղափարներ՝ սպասարկելով ինչպես տեղական, այնպես էլ միջազգային շուկաներին: «Ինժեներական քաղաք» նախաձեռնությունը, լինելով ՀՀ կառավարության «Առեւտրի խթանում եւ որակի ենթակառուցվածքներ» (ԱԽՈԵ – TPQI) ծրագրի մաս, նպատակ ունի խթանել նորարարական էկոհամակարգը՝ կայուն աճին, մրցունակությանը եւ աշխատատեղերի ստեղծմանն աջակցելու նպատակով։
Իմանալ ավելին