30/04/2024
EU4Digital-ն առաջին դասընթացն է անցկացրել ԱլԳ երկրների նորարարական կլաստերների համար
«EU4Digital» ծրագիրը 2024 թվականի ապրիլի 18-ին կազմակերպել էր կարողությունների զարգացման եւ գործնական կապերի հաստատման միջոցառում, որին միացել էին Արեւելյան գործընկերության (ԱլԳ) 70 նորարարական կլաստերների եւ կլաստերների կառավարման նորաստեղծ կազմակերպությունների շուրջ 85 ներկայացուցիչներ: EU4Digital-ի ՏՀՏ նորարարությունների թիմը Հայաստանը, Ադրբեջանը, Վրաստանը, Մոլդովան եւ Ուկրաինան ներկայացնող մասնակիցներին հավաքել էր հատուկ ուսումնական միջոցառման շրջանակներում, որն EU4Digital-ի՝ ավելի վաղ՝ այս տարվա ապրիլ ամսին հայտարարված նորարական կլաստերների համար նախատեսված նոր գործունեության մաս է կազմում։
Իմանալ ավելին-
11/04/2024
5G մասնավոր ցանցերի զարգացման վերաբերյալ ԵՄ լավագույն փորձի մասին զեկույցը հասանելի է ներբեռնման համար
«EU4Digital» ծրագրի փորձագետները «Հեռահաղորդակցության կանոններ» թեմատիկ ոլորտում գործունեության շրջանակներում պատրաստել են 5G մասնավոր ցանցերի զարգացման վերաբերյալ ԵՄ լավագույն փորձի մասին զեկույց։
Իմանալ ավելին -
13/03/2024
Միացե՛ք 5G ցանցի անվտանգության ապահովման ԵՄ գործիքակազմի վերաբերյալ EU4Digital-ի աշխատաժողովին
«EU4Digital» ծրագիրը բոլոր շահագրգիռ կողմերին հրավիրում է մասնակցելու 2024 թվականի մարտի 27-ին կայանալիք առցանց աշխատաժողովին, որով կտրվի 5G ցանցի անվտանգության ապահովման ԵՄ գործիքակազմի ներդրման գործողությունների մեկնարկը: «EU4Digital» ծրագրի հեռահաղորդակցության կանոնների թիմը սկսում է այս գործունեությունը Արեւելյան գործընկերության երկրների հեռահաղորդակցության ազգային կարգավորող մարմինների հետ համագործակցությամբ:
Իմանալ ավելին -
07/03/2024
Հայկական տեխնոլոգիական ընկերությունները ԲՏԱ նախարարության աջակցությամբ մասնակցել են MWC 2024 միջազգային ցուցահանդեսին
Հայկական տասնչորս տեխնոլոգիական ընկերություններ մասնակցել են 2024 թվականի փետրվարի 26-29-ը Իսպանիայի Բարսելոնա քաղաքում անցկացված «Համաշխարհային բջջային կոնգրես 2024» (Mobile World Congress 2024) միջազգային ցուցահանդեսին՝ ներկայացնելով իրենց արտադրանքն ու նորարարական լուծումները։ Համաշխարհային տեխնոլոգիական համայնքի այս նշանակալի հավաքի ընթացքում նշված ընկերությունները ՀՀ բարձր տեխնոլոգիական արդյունաբերության նախարարության նախաձեռնությամբ միավորվել էին միասնական ցուցահանդեսային տաղավարի ներքո՝ ընդգծելով երկրի հավատարմությունը տեխնոլոգիական առաջընթացին:
Իմանալ ավելին -
31/01/2024
ՀՀ բարձր տեխնոլոգիական արդյունաբերության նորանշանակ նախարարը սկսել է ուսումնասիրել ոլորտում համագործակցության հնարավորությունները
Հայաստանի Հանրապետության բարձր տեխնոլոգիական արդյունաբերության նորանշանակ նախարար Մխիթար Հայրապետյանը, ով իր պաշտոնը ստանձնել է 2023 թվականի դեկտեմբերի 30-ին, 2024 թվականի հունվարին հանդիպումներ է ունեցել կառավարական գերատեսչությունների, ռազմարդյունաբերական ոլորտի ընկերությունների եւ Բարձր տեխնոլոգիական արդյունաբերության նախարարության ենթակայության տակ գործող ընկերությունների հետ՝ համագործակցության հնարավորությունները ուսումնասիրելու նպատակով։
Իմանալ ավելին -
28/12/2023
Եվրոպական խորհուրդն Ուկրաինայի եւ Մոլդովայի հետ անդամակցության բանակցություններ սկսելու որոշում է կայացրել, Վրաստանին էլ շնորհել է թեկնածու երկրի կարգավիճակ
2023 թվականի դեկտեմբերի 14-15-ին Եվրոպական խորհուրդը որոշում կայացրեց սկսել Ուկրաինայի եւ Մոլդովայի հետ անդամակցության բանակցությունները։ Սա շրջադարձային պահ էր երկու երկրների ժողովուրդների համար, որոնք հետեւողականորեն ցույց են տվել իրենց եվրոպական համոզմունքը։ ԵՄ առաջնորդները նաեւ որոշել են Վրաստանին թեկնածու երկրի կարգավիճակ շնորհել։
Իմանալ ավելին -
13/12/2023
Արեւելյան գործընկերության արտգործնախարարների հանդիպման ժամանակ քննարկվել են թվային անցմանն առնչվող հարցեր
Կապի հասանելիությունը, տարածաշրջանային ռոումինգն ու թվային անցումն այն թեմաներից էին, որոնք քննարկվել են 2023 թվականի դեկտեմբերի 11-ին կայացած Արեւելյան գործընկերության (ԱլԳ) նախարարական հանդիպման ժամանակ: Միջոցառումը հավաքել էր ԵՄ երկրների, ինչպես նաեւ Արեւելյան գործընկերության վեց երկրներից հինգի (Հայաստան, Ադրբեջան, Վրաստան, Մոլդովա եւ Ուկրաինա) արտաքին գործերի նախարարներին։ Հանդիպումը հնարավորություն է ընձեռել մտքեր փոխանակել Արեւելյան գործընկերության վերաբերյալ, ամփոփել ձեռքբերումներն ու արդյունքները եւ սահմանել կոնկրետ առաջարկություններ քաղաքականության ապագայի համար:
Իմանալ ավելին -
21/11/2023
Թվային կապի հասանելիություն՝ Արեւելյան գործընկերության փոխակերպման ուղին
Առողջապահական, կրթական, ֆինանսական, գործարար եւ կառավարման ծառայությունների առցանց մատուցման աճով պայմանավորված՝ թվային կապի հասանելիությունն ավելի ու ավելի կարեւոր դեր է խաղում առօրյա կյանքում: «EU4Digital» ծրագիրը 2019 թվականից ի վեր սերտորեն համագործակցում է Արեւելյան գործընկերության (ԱլԳ) երկրների՝ Հայաստանի, Ադրբեջանի, Վրաստանի, Մոլդովայի եւ Ուկրաինայի հետ՝ տարածաշրջանում թվային կապի հասանելիությունը բարելավելու նպատակով: Նրանք միասին նպաստում են քաղաքացիների եւ գործարարների համար մատչելի գներով գերարագ, հուսալի եւ կայուն թվային կապի հասանելիությանը: Այսպիսով, ի՞նչ է ձեռքբերումներ են արձանագրվել եւ ինչպե՞ս է դա նպաստում ԱլԳ թվային փոխակերպման հետ կապված քաղաքականության ավելի լայն նպատակներին:
Իմանալ ավելին -
20/11/2023
Մարդկային գործոնը թվային փոխակերպման գործընթացում. Արեւելյան գործընկերության թվային համաժողով – 2023
Դիմակայուն թվային փոխակերպման ճանապարհին անհրաժեշտ է հաշվի առնել մարդակենտրոն կարիքներն ու օգուտները։ Այս եզրահանգմանն են եկել 2023 թվականի նոյեմբերի 14-ին EU4Digital-ի կազմակերպած Արեւելյան գործընկերության (ԱլԳ) թվային համաժողովի մասնակիցները։ Միջոցառման «Թվային ռազմավարական ինքնավարություն. թվային տեխնոլոգիաների օգտագործում՝ հասարակությունների եւ տնտեսությունների հզորացման նպատակով» խորագիրը հնարավորություն տվեց ուսումնասիրելու, թե ինչպես կարող են թվային միակցվածությունն ու արհեստական բանականության (ԱԲ) նման բեկումնային տեխնոլոգիաները խթանել նորարարությունները՝ դիմակայուն կառավարում, տնտեսություն եւ հասարակություն ապահովելու գործում։
Իմանալ ավելին -
20/11/2023
Թվային տեխնոլոգիաներն այլեւս ունեն կենտրոնական նշանակություն. EU4Digital-ի ղեկավար կոմիտեի 2023 թ. նիստի արդյունքները
Թվային տեխնոլոգիաներն այլեւս առանցքային նշանակություն ունեն Արեւելյան գործընկերության (ԱլԳ) առօրյա կյանքում, ուստի ռազմավարական պլանավորման, քաղաքականության ու օրենսդրության համապատասխանեցման, ինչպես նաեւ ներդրումների համակարգված մոտեցումն այժմ կարեւոր է: Սա 2023 թվականի նոյեմբերի 15-ին առցանց անցկացված EU4Digital-ի ղեկավար կոմիտեի 5-րդ տարեկան հանդիպման հիմնական ուղերձն էր:
Իմանալ ավելին -
10/11/2023
EU4Digital-ի շահագրգիռ կողմերի աշխատաժողովում քննարկվել է ազգային մակարդակում արդյունքների ներդրման արագացումը
«EU4Digital» ծրագրի գործունեությունը պայմանավորված է Արեւելյան գործընկերության (ԱլԳ) տարածաշրջանի երկրների՝ Հայաստանի, Ադրբեջանի, Մոլդովայի, Վրաստանի եւ Ուկրաինայի կարիքներով: Այդ գործունեությունն իրականացվում է ԵՄ-ԱլԳ համատեղ օրակարգի շրջանակներում ԵՄ պատվիրակությունների կողմից կառավարվող երկկողմ գործողությունների հետ սերտ համագործակցության պայմաններում։ «EU4Digital» ծրագրի ներկայիս՝ երկրորդ փուլի ընթացքում արդյունքները առավելագույնի հասցնելու համար EU4Digital-ը 2023 թվականի հոկտեմբերի 18-ին Բրյուսելում անցկացրել է աշխատաժողով՝ Եվրամիության եւ Արեւելյան գործընկերության երկրների հիմնական շահագրգիռ կողմերի մասնակցությամբ: Հանդիպումը մասնակիցներին հնարավորություն տվեց գնահատել ծրագրի արդյունքները, կիսվել հետադարձ արձագանքով եւ ուսումնասիրել, թե ինչպես արագացնել EU4Digital-ի գործունեության ներդրումը ազգային մակարդակում:
Իմանալ ավելին -
09/11/2023
Եվրոպական հանձնաժողովն առաջարկում է փոխել Ուկրաինայի, Մոլդովայի եւ Վրաստանի ԵՄ անդամակցության թեկնածության կարգավիճակը
2023 թվականի նոյեմբերի 8-ին Եվրոպական հանձնաժողովը Եվրոպական միության խորհրդին առաջարկել է սկսել Ուկրաինայի եւ Մոլդովայի հետ ԵՄ անդամակցության պաշտոնական բանակցությունները եւ թեկնածու երկրի կարգավիճակ շնորհել Վրաստանին՝ մի շարք պայմանների կատարման դեպքում։ Հանձնաժողովը նաեւ ընդունել է 2023 թվականի ընդլայնման փաթեթը, որում առաջին անգամ գնահատվել է նշված երկրների կատարած աշխատանքը։
Իմանալ ավելին -
07/11/2023
ԱԿԼԿ ՓԱԽ հանդիպմանը համաձայնեցվել են Արեւելյան գործընկերության տարածաշրջանում լայնաշերտ կապի զարգացման հետագա քայլերը
2023 թվականի հոկտեմբերի 25-26-ը Երեւանում տեղի է ունեցել Անկախ կարգավորողների եւ լայնաշերտ կապի փորձագիտական աշխատանքային խմբի (ԱԿԼԿ ՓԱԽ) հանդիպում, որի շրջանակներում համաձայնեցվել են Արեւելյան գործընկերության տարածաշրջանում լայնաշերտ կապի զարգացման կոնկրետ հաջորդ քայլերը: Հիմնական ուշադրությունն ուղղվեց լայնաշերտ կապի հասանելիության մեծածախ շուկայի վերլուծությանն ու լայնաշերտ կապի հասանելիության մոնիտորինգին:
Իմանալ ավելին