ე-ვაჭრობის ქსელის მე-9 სემინარი 9-10 დეკემბერს ჩატარდება. არსებული მდგომარეობის გამო COVID-19-ის პანდემიასთან დაკავშირებით, სემინარი ჩატარდება დისტანციურად.

განხილული იქნება ე-ვაჭრობის საკითხების ფართო სპექტრი, მათ შორის:

• ე-ვაჭრობის ქსელის სამოქმედო გეგმის მიმოხილვა და განახლება აღმოსავლეთ პარტნიორობის ქვეყნების 2020-2025 წლების მიზნებთან დაკავშირებული წინადადებების და პერსპექტივების გათვალისწინებით; 
• ქსელის სამუშაო ჯგუფის საქმიანობის ოპტიმიზაცია სამუშაო ჯგუფის თავმჯდომარეების არჩევით და ე-ვაჭრობის სამუშაო ჯგუფების 2021 წლის თანამშრომლობის გეგმის განხილვებით ;
• მიმდინარე მდგომარეობის, პროგრამის EU4Digital მიერ მიღწეული შედეგების და მომავალი აქტივობების გრაფიკის მიმოხილვა ე-მიწოდების, ე-საბაჟოს, ე-კომერციის, ციფრული სატრანსპორტო დერეფნის და ქსელურ საქმიანობაში;
• ე-მიწოდების და ე-საბაჟოს საპილოტე პროექტების პრეზენტაცია, ასევე ე-კომერციის საქმიანობის საპილოტე პროექტის კონცეფცია; 
• ციფრული სატრანსპორტო დერეფნის (DTC) საპილოტე პროექტი ბალტიის და შავ ზღვებს შორის, პროგრამის დაწყების გრაფიკის და შესაძლო გზების ჩათვლით.

მონაწილეები შეიკრიბებიან ორდღიან სემინარზე და გააზიარებენ საკუთარ ცოდნას და გამოცდილებას ე-ვაჭრობასთან დაკავშირებულ საკითხებზე. მონაწილეებს შორის იქნებიან:

• ევროროკომისიის წარმომადგენლები;
• ქვეყნების წარმომადგენლები ე-ვაჭრობის ქსელიდან;
• ციფრული ბაზრების ჰარმონიზაციის (HDM) კოორდინატორები აღმოსავლეთ პარტნიორობის ქვეყნებიდან;
• სამოქალაქო საზოგადოების ფორუმის ე-ვაჭრობის ექსპერტები;
• პროგრამის EU4Digital წამყვანი ექსპერტები;
• პროგრამის EU4Digital ეროვნული კოორდინატორები აღმოსავლეთ პარტნიორობის ქვეყნებიდან.

გარდა ამისა, მოწვეული სპიკერები ევროკომისიიდან (მობილობის და ტრანსპორტის გენერალური დირექტორატი – DG MOVE) და სხვა ექსპერტები გააკეთებენ პრეზენტაციებს შემდეგ საკითხებზე:

• ელექტრონული სატვირთო გადაზიდვების რეგულაციები და ევროკავშირის შემდგომი საქმიანობა;
• ტრანსევროპული სატრანსპორტო ქსელების (TEN-T) სატრანსპორტო დერეფნების ციფრულ ტექნოლოგიებზე გადასვლა;
• საზღვრების ინტეგრირებული მართვა;

• ევროკავშირის 2021 ცვლილებები (საბაჟო და გადასახადები) და ევროკავშირის შემდგომი საქმიანობა.

დაინტერესებულ მხარეებს ამ ღონისძიებაზე რეგისტრაცია შეუძლიათ აქ 4 დეკემბრამდე. დამატებითი ინფორმაცია ამ ღონისძიების შესახებ, მისი დღის წესრიგის ჩათვლით, შეგიძლიათ იხილოთ აქ.