Այս ամենը շատ լավ է չափում թվային առաջընթացը, բայց ինչպե՞ս է օգնում վերացնել Արեւելյան գործընկերության երկրներում առկա թերությունները

Տվյալների առկայությունը առանցքային դեր է խաղում Արեւելյան գործընկերության երկրներում թվային փոխակերպման ռազմավարությունների մշակման եւ եվրոպական մակարդակի ռազմավարությունների հետ դրանց ներդաշնակեցման գործում: EU4Digital-ի DESI աքսելերատորի գործունեության մի մասը կենտրոնացած է Արեւելյան գործընկերության երկրներում առկա թվային հմտությունների, բիզնեսի եւ կառավարության թվայնացման եւ հարակից ցուցանիշների հավաքագրման բացերը չափելու հստակ եւ հակիրճ մեթոդաբանության մշակման վրա: Այստեղ հաշվի կառնվի յուրաքանչյուր երկրի փորձը եւ կընտրվի համապատասխան մեթոդաբանություն:

Թվային առաջընթացի չափման ներդաշնակեցված մոտեցումը թույլ է տալիս բացահայտել թվային հմտությունների ուղղությամբ առկա թերությունները եւ բիզնեսի ու պետական կառավարման մակարդակներում թվայնացման գործընթացում եղած բացերը: Սա կօգնի «բալասան» գտնել եւ գնահատել տարածաշրջանային ու ազգային նախաձեռնությունների ազդեցությունը: Ազգային մակարդակի զարգացման ռազմավարությունների հարմարեցումը ԵՄ գործելակերպերին համապատասխան չափվող կոնկրետ տվյալներին կօգնի նաեւ բացահայտել խնդրահարույց ոլորտները եւ առաջարկի ու պահանջարկի բացերը: Թեեւ DESI-ն կոմպոզիտային համաթիվ է, այն իր հաշվարկներում օգտագործում է կոնկրետ ցուցանիշների չափումներ. սա կարող է հանգեցնել որոշումների կայացման գործընթացների բարելավմանը թվային տնտեսության եւ հասարակության որոշակի ոլորտներում, ինչպիսիք են համացանցից օգտվողների հմտությունները, գործարարությամբ զբաղվելիս թվային տեխնոլոգիաների կիրառումը, թվային տեխնոլոգիաների ներդրման ինտենսիվությունը եւ թվային կառավարության զարգացումը: Ներդաշնակեցված տվյալների չափումը նաեւ հնարավորություն է տալիս համեմատել թվային զարգացման մասով Արեւելյան գործընկերության երկրների եւ ԵՄ երկրների անհատական առաջընթացը: