Հայերեն 
Ադրբեջաներեն
Անգլերեն
Բելառուսերեն
Ուկրաիներեն
Ռումիներեն
Ռուսերեն
Վրացերեն
2020 թվականի հուլիսի 13-ին «EU4Digital» ծրագիրը կկազմակերպի վիրտուալ դասընթաց՝ թվային հմտությունների և աշխատատեղերի ազգային կոալիցիաների ստեղծման ու կառավարման վերաբերյալ:
Դասընթացի նպատակն է մասնակիցներին ծանոթացնել ազգային կոալիցիաների ստեղծման ու կառավարման ուղղությամբ ԵՄ-ի լավագույն պրակտիկաներին, ինչպես նաև քննարկել Արևելյան գործընկերության երկրներում ազգային կոալիցիաների ստեղծման առաջարկություններն ու սկզբունքները:
Դասընթացի օրակարգում ընդգրկված հարցերն են.
- Գործունեության չորս հիմնական ուղղություններում (թվային հմտություններ՝ բոլորի համար, թվային հմտություններ՝ աշխատուժի համար, թվային հմտություններ՝ ՏՀՏ մասնագետների համար և թվային հմտություններ՝ կրթության ոլորտում) ԵՄ թվային հմտությունների և աշխատատեղերի ազգային կոալիցիաների դերը.
- Քննարկումներ Արևելյան գործընկերության երկրներում թվային հմտությունների առաջնահերթությունների վերաբերյալ, և թե ինչպես կոալիցիաները կարող են աջակցել դրանց.
- Ազգային կոալիցիաների ստեղծման ու կառավարման սկզբունքները.
- ԵՄ ազգային կոալիցիաների հետ համագործակցությունը, գոյություն ունեցող լավագույն պրակտիկաները, գործիքներն ու ռեսուրսները:
Այս դասընթացը կազմակերպվում է թվային հմտությունների թեմատիկ ոլորտում «EU4Digital» ծրագրի գործունեության շրջանակներում: Վերջինս ներառում է թվային հմտությունների թեմաներով մի շարք դասընթացներ, համաժողովներ և ուսումնական այցեր` Եվրամիության ու Արևելյան գործընկերության երկրների միջև լավագույն փորձի փոխանակմանն աջակցելու համար: Դասընթացների առաջնահերթությունները սահմանվել են թվային հմտությունների ցանցի կողմից՝ 2020 թվականի ապրիլի 29-ին կայացած վեբինարի ընթացքում:
EU4Digital-ի թվային հմտությունների ցանցը հարթակ է ծառայում Արևելյան գործընկերության վեց երկրների միջև և ԵՄ-ի հետ առաջավոր փորձի փոխանակման, սիներգիաների խթանման ու համատեղ ներդաշնակեցման նախագծերի շուրջ գաղափարների մշակման համար: «EU4Digital» ծրագիրը տվյալ ցանցին աջակցում է մի շարք գործողությունների, այդ թվում՝ դասընթացների, աշխատաժողովների ու քաղաքականություն մշակողների և կրթական ծառայություններ մատուցողների համար դեպի ԵՄ անդամ պետություններ ուսումնական այցերի կազմակերպմանը, ինչպես նաև սատարում է Արևելյան գործընկերության երկրներում ազգային կոալիցիաների ստեղծմանը: «EU4Digital» ծրագիրը հրատարակել է նաև ուղեցույցներ՝ Արևելյան գործընկերության երկրներում թվային հմտությունների ազգային կոալիցիաների վերաբերյալ:
